→ كل الوصفات
شاورمة اللحمة الشاورما المصري الأصليه في العيش الكايزر بصوص الطحينه ولا أجمل
المقادير
- 1/2 كيلو لحم تقطيعة شاورمه جاهزة ومغسوله
- لتتبيل اللحمه..بصله مبشورة نعصرها جيدا وناخد الميه بتاعتها فقط
- كوب زبادي
- ملح وفلفل وكمون وبهارات وبابريكا وتوم بودر وبصل بودر وكركم
- 3 ملاعق خل
- مع التسويه..طمطمايه مقطعه مكعبات صغيرة بصله مقطعه جوانح
- بقدونس مقطع
- معلقتين زيت ومعلقة سمن
- سلطة طحينة لحشو السندوتشات
طريقة التحضير
- في بوله كبيره نحط جميع التوابل السابقه وعليهم الزبادي والخل ومية البصل ومعلقة زيت ونقلب الخليط ونحط فيه اللحم المقطع شاورما ونقلبه جيدا ونضعه بالثلاجة ساعتين
- في طاسه علي النار معلقة زيت ومعلقة السمن يسخنوا وننزل بالشاورما المتبله نسيبها شويه منقلبش ولو نزلت ميتها نقلبها لحد ماتتشرب السائل بتاعها وتاخد تشويحه حلوة
- بعد ما تتشوح كويس ننزل بالبصل الجوانح والطماطم المقطعه والبقدونس ونقلب تقليبه ونطفي النار لأننا بنسيب الخضار واخد تشويحه بس مش بيستوي سوا كامل(بيقرش)
- نكون محضرين العيش الكايزر وفاتحينه وحاطين جواه صوص الطحينه الجميل بتاعنا ونزود طحينه يبقي العيش طري ولا أجمل
- نحشي العيش بالشاورمه بتاعتنا ونزود ع الوش صوص طحينه
- وبس بألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد