→ كل الوصفات

سندويشات سورى بحشوات مميزة

مطبخ بنت الحلوانى 👉 اتمنى تنورونى فيها ان شاء الله هتلاقوا وصفات تعجبكم اوى

  • 6 كوب دقيق
  • رشة ملح
  • رشة سكر
  • لكل 2 كوب دقيق حوالي كوب وربع مياه
  • 1/2 كيلو سجق
  • 1 طماطم متوسطة مقطعة شرايح
  • 1 فلفل رومي متوسطة مقطع شرايح
  • معلقة صغيرة بصل بودر
  • معلقة صغيرة ثوم بودر
  • معلقة صغيرة ملح
  • تمن بسطرمة
  • 1 طماطم صغيرة مقطعة شرايح
  • 1 فلفل رومي متوسط مقطع شرايح
  • معلقة صغيرة فلفل اسمر
  • معلقة صغيرة بصل بودر
  • رشة ملح
  • 4 بطاطس كبيرة صوابع مقلية
  • ملعقة كاري
  • ملعقة كركم
  • معلقة ملح
  • معلقة فلفل اسمر
  • بهارات جبنة جاهزة
  1. جيت في طاسة نزلت بالسجق في شوية ماء الاول استوى فضيت الماء وحطيت شويت زيت وعليه الطماطم والفلفل والبصل والثوم البودرة وسبته يستوي مع بعض وبعد اما استوى سبته يبرد خالص
  2. عملت البسطرمة بنفس طريقة السجق وبعد اما استوت سبتها على جنب تبرد
  3. جبت البطاطس قطعتها صوابع نقعتها في ماء بخل ساعة وبعدين شطفتها كويس اوي ونزلتها في زيت غزير سخن ولما خلصت الكمية طلعتها على مناديل مطبخ نزلت بواقى الزيت كلها نزلت عليها بالملح والفلفل البهارات وبهارات الجبنة وهى ساخنة (وممكن تستبدليها باى نوع بهارات جاهزة زي بهارات الشاورما او اي طعم تحبيه)
  4. في بولة كبيرة نزلت بالدقيق عليه الملح والسكر قلبتهم ونزلت بنص مقدار الماء عشان العجينة متسيلش منى لو الماء زيادة (الكمية دى عملت ١٥ سندوتش) لميت العجينة ونزلت بباقي الماء تدريجيا لحد مالمت معايا خااص دهنت سطح دقيق وقعدت اعجن في العجينة حوالي ربع ساعة عشان تبقى طرية خالص عشان مفيش خميرة ترفعها وبعدين عملتها رول وقطعتها قطع متساوية وعملتهم كور صغيرة وسبتها ترتاح عشر دقائق وبعدين فردتها بالنشابة
  5. نيجى بقى لاهم خطوة 👈 في الطاسه اللي سويت فيها العيش قعدت باسباتيولا اضغط على العيش عشان يطلع الهوا اللي فيه عشان زي ماقولتلكم مفيش خميرة ترفعها
  6. وبعد ما خلصت الكمية حشيت كل خمس سندوتشات بحشوة من التلات حشوات وجيت على الاطراف عملت عجينة شوية دقيق بمية وقفلت الاطراف كويس ورجعتهم الطاسة التيفال على نار هادية وضغطت عليهم عشان الجبنة تسيح اوي ولما خلصت الكمية قدمتهم في طبق تقديم ويتقدم معاها سلطة او مخلل
عجبتك الوصفة؟
شوف كل وصفاتنا في مكان واحد
كل الوصفات →