→ كل الوصفات

سندويش فاهيتا بمكونات بسيطة وطيبة

احترت شو أطبخ لقيت عندي شيش وفليفلة لهيك خطر ببالي الفاهيتا وطلعت طيبة💞 وسريعة التحضير

  • كيلو شيش دجاج
  • حبة فليفلة خضراء
  • حبة فليفلة حمراء
  • 3 بصلات
  • 1/2 ليمونة
  • معلقة بهارات شاورما
  • 1/2 معلقة فلفل
  • 1/2 معلقة هال
  • معلقة كبيرة ملح
  • زيت نباتي
  • بطاطا وكاتشب وخبز للسندويش
  • وخس مفروم وشرحات بندورة للسندويش
  1. هي المواد المطلوبة
  2. فرمت البصل وقليته لتحمر (بحبه محروق شوي) وضفت الفليفلة والبهارات
  3. ضفت الشيش عالخضار وغطيتن منيح ،، آخر مرحلة ضفت الليمون بعد استواء الشيش بكل جيد
  4. جهزت خس وشرحات بندورة والكاتشب وقليت البطاطا لنعمل السندويش
  5. حطيت كاتشب وبطاطا مقلية ثم الفاهيتا والخس والبندورة وكبستن عالمكبس أو عالغاز حسب المتوفر بالبيت
  6. قطعتن وحطيتن بصحن التقديم طلعوا عشر سندويشات ماشاءالله تبارك الرحمن زاد لتاني يوم سخنتن عالفطور
  7. وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →