طبعا السوشي شي معروف ومحبوب للاغلبيه وسعره غالي بالمطاعم ومو كل الناس بتحبه بنفس المكونات اللي بالمطاعم وفي ناس مابتستلذ أو عندها حساسيه من أغلب المكونات عشان هيك انا عملته لأفراد عيلتي بنكهات من اختيارهم عشان يجربو الطعم الحلو للسوشي... طبعا السوشي محتاج لشغلات واغراض كتيره بس انا عملته بأبسط طريقه بأغراض عندي بالبيت عشان ماحدا يحس انو معقد... يعني متل الحصيره الموجوده للفه انا استغنيت عنها بالقصدير وورق تغليف الأكل.. وورق اللي بينلف فيه استغنيت عنه تماما متل مو شايفين بالصوره فوق. الورق الأخضر اللي بينلف فيه للمعلومة اسمه ورق السوشي ومو بأي مكان تلاقيه الا بالمحلات الاسيويه اما بالسوبر ماركت في الرياض ماحصلته الا بأسواق التميمي وسعر السبع حبات غالي والأوراق هي عباره عن أوراق مصنوعة من طحالب البحر.. صحيح رح تشوفو المكونات عشان تعمليها شغلها كتر من سرعة أكلها بس صدقوني وانتم بتعملوها رح تحسو بمتعه.. وبنفس الوقت تعملوها بنكهات بتحبوها... تعالو معي نشوف مكوناتها واتتبهو معي للحشوات... بس تنبيه صغير... هاد السوشي اللي رح اعمله ابتكار منزلي ليسهل علينا طريقة عمله يعني مو اساس متل ماشرحت لكم.. وبالعافيه
المقادير
- كاستين رز مصري مسلوق بماء وملح فقط ومصفى
- جزرتين مقشرين ومقطعين شرائح رفيعة جدا
- خيارتين مقطعين شرائح رفيعة جدا
- الحشوه 1
- تونا بيضاء مصفايه من الزيت
- ملح
- فلفل اسود
- شرائح دجاج رفيعة مسلوقه سلق خفيف
- ملح
- فلفل
- توم
- الحشوة 2
- شرائح سلمون رفيعة جدا
- شرائح جمبري مسلوقه سلق خفيف
- الحشوة 3
- 2 توم
- ملعقه صوص حلوة
- ملعقه صوص معتدل
- ملعقه كتشاب
- الحشوة 4
- شرائح افوكادو مقطوعه رفيعة جدا
- \ شرائح من الانشوقه أو الرنجه المدخنه
- خل الرز حسب الرغبه للدعم الأساسي
- ورق تغليف أطعمة شفاف
- الصوص للتغميس
- شطه سومطرة
طريقة التحضير
- بتجيبي الرز المسلوق ونحط عليه من خل الرز اللي قلتلكم عليه وهو كمان موجود بالسوبر ماركت بقسم الأكلات الاسيويه بنحط ملعقتين كبار اكل ونخلطها مع الرز يصير لزج شوي
- نفرد ورق القصدير وفوقها ورق التغليف بنفس الحجم مستطيل الشكل
- نفرد كميه من الرز على شكل مربع فوق التغليف ثم نضع من طرفها الحشوه اللي بدنا اياها وبتضيفيلها شريحتين خيار وشريحتين جزر وبتبدي تلفيها شوي شوي متل كأنك بتلفي سويس رول كلهم سوا معا التغليف بس بدون القصدير
- بس تخلصي لف قطعة الرز المربعه تقومي تحطيها فوق القصدير وترجعي تلفيها مع القصدير وانتبهي بكل مره بتلفي لازم تضغطي على القصدير فيها عشان يمسك الرز ببعضه ومايتفكك
- بتفكي القصدير رح تلاقيه تماسك مع بعض بهالحاله بتفكي التغليف وتمسكي الرز بيصير قطعه اسطوانيه حطيه بصحن وقطعيه بسكين مسنونه دوائر متل الصوره ورصيه بالصحن وهيك لحد ماتخلص الكميه
- الافوكادو مر بطبيعته فانتبهو يمكن مايحبوها خصوصا الصغار
- الخيار لو اي اكل بحري اضفتيله خيار رح تحسي بطعم زفرت الاكل البحري فيه بس لأن السوشي أساسه الاكل البحري وهيك الطريق وصحتين وعافيه وفي حال اي استفسار على عيني وراسي
- هيك بيطلع بالآخر
- نقدر نغلفه اونحطه بعلبه ويحفظه بالثلاجة لمدة يوم كامل
شوف كل وصفاتنا في مكان واحد