→ كل الوصفات

سوشي منزلي

طريقة عمل سوشي منزلي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لفافات أعشاب بحرية جاهزة
  • 1/2 كوب رز مصري
  • ملعقة خل
  • 1/2 ملعقة ملح صغيرة
  • 1/2 ملعقة سكر صغيرة
  • قريدس
  • جزر
  1. نقع الرز وغسله جيدًا، تحضير كوب ونصف ماء عالنار، وبس يغلي منضيف الرز فوقه منتركه حتى يستوي، بس تنشف المي منحط منشفة عليه ومنغطيه ومنطفي النار ل ١٠ دقائق. ع جنب منكون مجهزين الخل مع الملح والسكر منخلطهم مع بعض، ومنضيفهم عالرز المسلوق ومنخلطهم
  2. بهالوقت كمان منكون عم نسلق القريدس أي حجم ما بيفرق، حطيت بمياه السلق بهار القريدس من عبيدو، ومنقطع الجزر رفيع بالطول
  3. المرحلة الثانية، منحط لفافة الاعشاب على نايلون أو الحصيرة المخصصة للف السوشي اذا متوفرة، انا ظبطت معي بالنايلون. منحط ماء على ايدينا حتى ما يلزق الرز ومنفردهم عاللفافة بهالشكل. منضيف الخضار لي منحبهم بالوسط والسمك لي بتفضلوه. واذا بتحبوا الحر انا ضفت فلفل حر ومنلفها
  4. ومنقطع اللفافة ومنقدمهاًمع صويا صوص، واسابي ومخلل الزنجبيل ما عندي و اساسًا ما بحبها🙉 أظن بتلاقوهم جاهزين بالسوبر ماركت
عجبتك الوصفة؟
شوف كل وصفاتنا في مكان واحد
كل الوصفات →