→ كل الوصفات
اكله سويت اند ساور اكله اسيويه لكنها مكلفه اوى عشان مكوناتها صويا صوص وكاتشب وحاجات كتير كده انا حاولت اعملها بتكلفه اقل بحاجات موجودة ف مطبخنا كلنا
المقادير
- 1/2 كيلو صدور او وراك مخليه
- ملح وفلفل أسود حسب الرغبة
- 2 فلفل الوان
- 2 بصل مقطع مربعات
- نشا لتحمير قطع الفراخ
- معلقتين كبار صلصه
- معلقتين خل او حسب الرغبه
- سكر او عسل حسب الرغبة
طريقة التحضير
- اول حاجة نقطع الصدور او الوراك المخليه لقطع مش صغيره ومش كبيره ونتبلها بالملح والفلفل الأسود كويس
- هنسخن الزيت كويس و نجيب كيس بلاستيك نحط فيه نشا ونقلب فيه قطع الفراخ نرج الكيس كويس عشان كل القطع تتغلف بالنشا ونحمرها ف الزيت لحد ما يكون لونها دهبى
- نقطع الفلفل الألوان ولو مفيش فلفل الوان خليها فلفل رومى بس مش مشكله هنقطع الفلفل والبصل مكعبات مش كبيرة ومش صغيره ونجيب حله او طاسه فيها زبده او زيت ونشوح الخضار كويس
- هنجيب طبق ونحط فيه الصلصله وعليها خل و عسل او سكر بس لو سكر دوبيه كويس اوى عشان تضمنى انو داب وتحطى الخلطة دى على الخضار
- قلبى تقلبتين وبعدها حطى الفراخ المتحمره عليها وقلبى عشان كل الخلطة توصل لكل المكونات ممكن تلاقى القوام بقى مظبوط وتقيل وكويس لو لقتيه خفيف زودى معلقه نشا صغيره ف نص كوبايه ميه وحطيها
- ظبطى الطعم على حسب زوقك وممكن تعملى مكرونة اسباجيتى وتحطى عليها من الخضار بالخلطة دى بس تكونى مزودة الخلطة والخضار
- وبس كده ياريت تجربوها وتطلع معاكم كويسه ان شاء الله وبالهنا والشفا مقدما
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد