→ كل الوصفات

سويسرول بالمربى بطريقة سهلة

الطريقة ديه من غير فصل البياض عن الصفار وكله باستخدام مضرب البيض الكهربائي العادى

  • 0.75 كوب دقيق
  • 1 معلقة صغيرة باكينج باودر
  • 0.5 معلقة صغيرة ملح
  • رشة فانيليا
  • نقطة خل
  • 4 بيض بدرجة حرارة الغرفة
  • 0.66 كوب سكر
  • 2 معلقة كبيرة زيت
  1. نضرب البيض مع السكر مقدار السكر ثلثين كوب والفانيليا والخل لغاية لما يعلى البيض ويهيش ويبقي لونه اصفر فاتح
  2. نضع الزيت ونضرب مرة اخرى لغاية مايتجانس الزيت
  3. نضع الدقيق والملح والباكينج باودر مع العلم الدقيق مقداره تلات اربع كوب ويكمل ضرب بالمضرب الكهربائي لغاية مايختفى الدقيق فقط ولا نزود فى الضرب
  4. نصب الخليط فى صينية مقاسها ٣٠ فى ٤٠ سنتيمتر موضوع بداخلها ورق زبدة مدهون بزيت
  5. تدخل فرن مسخن مسبقا على درجة ١٨٠ درجة لمدة ١٢ دقيقة او لغاية ما الاقيه استوى من الوسط
  6. اكون مجهزة ورقة زبدة مرشوش عليها سكر بودرة
  7. بعد ما يستوى السويسرول اترك الصينية تهدأ مدة ١٠ دقايق علشان اعرف اتعامل معاها من غير ماتلسعنى
  8. بعد ال ١٠ دقائق اقلب السويسرول على ورق الزبدة المرشوش سكر بودرة وانزع ورق الزبدة اللى سويت فيه السويسرول
  9. ادهن السويسرول بالمربى المفضلة ليا والف السويسرول على نفسه واغلفه بورق الزبدة وادخله التلاجه لمدة ساعة علشان يمسك نفسه
  10. بعد مرور الساعة اقطعه وقت التقديم علشان ماينشفش
  11. وبالهناء والشفاء 😍
عجبتك الوصفة؟
شوف كل وصفاتنا في مكان واحد
كل الوصفات →