→ كل الوصفات
طريقة عمل سى فود على اصولة (اسمعلاوى) سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو سوبيا (سبيط) مقطع مكعبات
- 0.5 كيلو جمبرى وسط
- 4 كابوريا وسط
- كيلو نص ام الخلول (جندوفلى)
- 0.25 كوب زبدة
- معلقتين زيت
- شرايح بصلة وسط مقطعة
- حبة جزر
- م ص كاري
- م ص زنجبيل
- م ص فلفل اسود
- كرفس
- ورق لورا
- 4 فصوص حبهان
- 4 معالق دقيق
- 3 ملعقة صغيرة ملح
- م.ص كمون
- نيجى للمية نسبيها مع اللبن تلتين ماء وتلت لبن ودى افضل نسبة
طريقة التحضير
- ننزل في حلة كبيرة ننزل الزبدة مع الزيت تسيح وتسخن ننزل بشرايح البصل والجزرة المبشورة يدوب لون البصل يغير وننزل بالدقيق كله ونقلب
- ننزل بمية واللبن نسبة تلت وتلتين تقريبا ونقلب لحد ما الدقيق يدوب تماما
- وننزل بعديها بالسبيط وونزل بالكرفس و البهارات والملح وورق اللورا والحبهان
- في حلة تانية نجيب ام الخلول المنقوع من فترة في ماء مالحة زى ملوحة البحر نحطها فيها مع شوية ماء ونسيبها تغلى لغاية متفتح
- اول متفتح كلها نطفى وفى مصفاة نصفيها من الماء بتاعتها سامعك يالى هتقول لية علشان لو فيها رملة هنغسلها خفيف بالمياه الجارية وكمان لو حطيطها بشوربتها هتبوظ الطعم من الرملة والملح الى فيها
- اول ما الشوربة تاخد غلوتين طلع قطعة سبيط وغز فيها الشوكة لما تبقة نص سوى تنزل بالكابوريا ونغطيها
- اول ما الكابوريا تحمر وبص عليها من ضهرها تلاقية فتح تنزل بالجمبرى 5 دقايق تنزل بالجندوفلى
- تقلب وتدوق السبيط والجمبرى وتدوق طعم الشوربة لو محتاجة ملح زود وقلبها بس متزودش اوى علشان هتعصر عليها ليمون
- وبالف هنا وشفها
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد