→ كل الوصفات
خلاص مفيش شاورما برا البيت تاني هنعملها في البيت احلى طعم وانضف واسهل طريقة زي المحلات بالظبط ...هنعمل فته شاورما وبطاطس وشاورما وتوميةوكل حاجه 😂 يلا نشوف الطريقة ويارب تعجبكم 😘😘 #ملك_الدجاج
المقادير
- فراخ بانيه
- زبادي ليمون
- ملح
- فلفل
- كمون
- بابريكا
- شطة
- توم
- بصل بودرة
- صلصة
- كزبرة ناشفه
- قرفة
- فلفلة
- طماطم
- زيت
- نقطة زيت
- مكعب مرقه
- معلقه سمنه
- بصلة
- طماطم
- بصلة
- فلفل مربعات
- معلقه خل
- ملح
- فلفل
- شطه
- كمون وزيت
- ليمون
- 1 بطاطس
- 1 زبادي
- معلقتين كبار مايونيز
- ملح
- معلقه زيت
- 1 كوب رز بسمتي
- معلقه كبيرة كركم
- معلقه كبيرة كاري
- ملح وفلفل وبهارات وبودرة بصل
- معلقه زبده
- ماء مغلي
- رغيف ابيض نقطعه مربعات في معلقه سمنه على زيت
- بطاطس وهنقطعها صوابع ونحمرها وبرشه ملح بنفس طريقتنا المعتادة
- سلطه
- مخلل خيار
- عيش سوري
- التوميه
- 4 فصوص توم مهروسين خالص وتوم بودر
طريقة التحضير
- هنجيب فراخ متقطعه بانيه ونغسلها بملح وخل وليمون
- هنتبل الفراخ بالزبادي والليمون وملح وفلفل وكمون وبابريكا وشطة وتوم وبصل بودره وبصله وفلفله وطماطميه صغيرين نفرمهم ومعلقه صلصة ورشه قرفه صغيرة وكزبرة ناشفه ومعلقة زيت هنسيبها ليله في التلاجه
- هنجيب بصله و نحط اعواد خشب هنغرزها في البصله على شكل مربع هنحط البانية واحده واحده وهنحهطها في صينية وتغطية بالفويل وهنحط ليمونه و فحمة مولعة ونغطيها بالفويل في الفرن وبعد شويه بنشيلة وبس بنسيبها لحد ما ماتحمر وتستوي ونقطعها بالسكينه زي المحلات وبتبقي تحفة وبالف هنا وشفا
- هنيجي بقي للفتة هنعمل الارز البسمتي هنغسل الرز ونحمرة في ملعقة زيت ونفضلنقلبه وبعدين نحط معلقه السمنه ونقلب ونضيف كاري وكركم ونقلب وبعدين هنحط كوب ماء على كوب الرز وملح وفلفل ومرقة وبصل بودر لحد مايتشرب ونوطي عليه لحد ما يستوي...بنكون حملنا العيش وحضرنا التوميه..نبدا برص الطبق هنحط العيش ومعلقتين تومية وبعدين الرز وفوق هنحط الشاورما بعد مانقطعها وتومية وبالف هنا
- هنعمل التوميه بقي بطاطس هنسلقها هي والتوم وبعدين هنهرسهم خالص هنحط عليهم زبادي ومايونيز وملح وتوم بودر..تحمر البطاطس بقي وتحضر السلطه والمحلل وبالف هنا وشفا يارب يكون عجبكم جربوها ومش هتندمو 😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد