→ كل الوصفات
#الشيف_الذهبي #وصفات #شاورما_فراخ وصفه لذيذه جدا وتقدري تذوقيها علشان تحطيها قدام ضيوف او تقطعي منها وفي عيش شامي او صاج وتعملي احلى ساندوتشات شاورما
المقادير
- كيلو صدور فراخ
- فنجان صغير ليمون
- فنجان صغير خل ابيض
- 1/2 كوب زيت
- كوب زبادي
- 2 م ك صلصة
- م ص ملح
- 1/2 م ص فلفل
- 1/2 م ص فلفل أبيض
- م ص كاري
- م ص زنجبيل بودر
- 4 فصوص توم مهروس
- م ص بابريكا
- عود قرفه
- 3 حبات قرنفل
- 2 ورق لورا
- 2 حبهان
- م ص بهارات شاورما
- اعواد خشبيه بتاعت شيش طاووق تكون منقوعه ف ميه ع الاقل تلت ساعه
- 2 بطاطس واحده كبيرة وواحده صغيره
- 2 بصل
- م ص بابريكا
- م ص كمون
- م ص جنزبيل
- م ص كزبرة ناشفه
- م ص فلفل اسود
- م ص سماق
- م ص كبابه صيني
- م ص قرفه مطحونه
- م ص حبهان مطحون
- م ص كركم
طريقة التحضير
- طبعا البهارات بتاعت شاورما كل اللي هتعمليه انك هتطحنيهم مع بعض وتشيليهم ف برطمان توابل
- بالنسبه للوصفه نفسها هتجيبي بوله ونحط الفراخ ونحط فلفل ابيض والاسود و كاري وزنجبيل و بابريكا وملح وعود القرفه وقرنفل وورق للغار وحبهان وبهارات شاورما وخل ابيض وعصير ليمون وزيت وزبادي وتوم المهروس وصلصه ونخلطهم كويس اوووي ونسيب الفراخ ف تتبيله ف تلاجه لمده ٦ ساعات ع الاقل او ليله كامله
- نجيب صينيه فرن ونغلفها بفويل الومنيوم ونجيب حبه بطاطس ونقطعها من جنب علشان تكون مستويه ونغطيها بالفويل او حبه بصل ع حسب ونغطيها بالفويل ونحطها ع صينيه ونثبت عليها السيخ او الاعياد الخشبيه هتحتاجي من ٤ ل ٥ لو هما رفعين من لو فيه سيخ حديد تخين او خشبي بس تخين كفايه واحد
- نبدأ نحط الفراخ ع عود بشكل عكسي مره بالطول ومره بالعرض زي مانا عامله ف صورة
- ونضغطهم فوق بعض وتقدري تحطي ليه كمان ع حسب الرغبه وبعد كده هنحط باقي تتبيله عليها من فوق سيخ كاننا بنصبها عليها ونثبت من فوق ببصله اوبطاطس ونضغط ونتاكد ان سيخ ثابت
- وبعدين هنحط كوب ماء ف صينيه نفسهامن حوالين سيخ من تحت علشان هنحطه ف الفرن ع درجه حراره ٢٠٠° علشان يستوي من بخار الميه واول لما يستوي هتقفلي عليه وبألف هنا♥️
- ملحوظه انتي ممكن تقطعي حوالين سيخ من تحت كده خضار بصل وطماطم وفلفل وحطي فوقهم فويل علشان مايتحرقش من الحراره يدوبك بس يتشربوا من شاورما
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد