→ كل الوصفات
#الشيف_الذهبي هتلاقوا الطريقة بالتفصيل
المقادير
- 3 كوب دقيق منخول
- 3 معلقة كبيرة لبن بودرة
- 2 معلقة كبيرة زبادي
- كوب مياه دافية
- معلقة صغيرة ملح
- 2 معلقة صغيرة سكر
- معلقة كبيرة خميرة
- 1/3 كوب زيت
- 4 معلقة كبيرة صلصة
- معلقة كبيرة بصل بودر
- معلقة كبيرة ثوم بودر
- كوب الا ربع مياه
- معلقة صغيرة ملح
- معلقة صغيرة فلفل اسمر
- معلقة كبيرة زعتر
- قطع بسطرمة مخلية
- 3 طماطم مقطعة مكعبات صغيرة
- 3 فلفل رومي مقطع مكعبات صغيرة
- كوب جبنة موتزاريلا مبشورة
طريقة التحضير
- اول حاجه نختبر الخميرة بننزل في بولة بالمياه الدافيه وعليها السكر والخميرة ونقلبهم مع بعض ونسيبها على جنب لحد ماتفور كدة تبقى نشطة
- هنجيب الدقيق هننزل عليه بالملح واللبن البودرة ونقلبهم وبعدين ننزل عليهم بالزبادي والزيت والخميرة بعد ما اختبرناها ونقلب بالمعلقة الخشب
- وبعد كدة نكمل عجن بايدينا او تستخدمى العجان لو متوفر عندك، ننزلها بعد كدة على سطح عليه دقيق ونعجنها عشر دقائق متواصلين لحد ماتبقى لينة وملساء خالص ومش بتلزق ونرجعها البولة ثاني ونغطيها ونسيبها تختمر نص ساعة
- علبال ماتخمر هنجهز الصلصة 👇
- في طاسة على النار هنحط الزيت يسخن ننزل عليه بالصلصة والبصل والثوم البودرة والزعتر والملح والفلفل ونقلبهم مع بعض وننزل عليهم بكوب الا ربع مياه.. انا عايزة الصوص يبقى تقيل.. هسيبها تتسبك ولما تغلى نطفى عليها ونسيبها تبرد
- بعد اما العجينة خمرت نفردها بالنشابة ونحاول نفد للجوانب عشان نعمل شكل مستطيل ونحاول ميكونش سمك العجينة رفيع عشان ميتقطعش واحنا بنلفها ولا يكون سميك اوي
- هنقطع الجوانب عشان يطلع شكل مستطيل متساوى حندهنه بالصلصة وعليه البسطرمة نوزعها والفلفل والطماطم والجبنة ونحاول منزودش اوي في الحشو عشان مايوقعش من العجين في الصينية لما يتلف ويتقطع، هنلف الرول بالراحة اوي واحنا بنلفه نتتك بابدينا عشان الحشو يثبت في العجين
- هنجيب صينية فيها ماء ندخلها الفرن اول مانشغله فوق النار مباشرة هي دى اللي بتخلى العجين طرى والبيتزا متنشفش
- هندهن السكينة اللي هنقطع بيها زيت عشان متلزقش في العجين هنقطعهم قطع متساوية، هنجيب صينية مدهونة زيت هنرصهم بس يكون في بين كل واحدة والتانية مسافة عشان لما تختمر ثاني وهى في الفرن ميلزقوش في بعض بندخلها على الرف الوسطانى في الفرن على درجة حرارة متوسطة حوالي ثلث او نص ساعة لحد ماتستوى خالص من جوا
- لما نطلعها هندهنها صلصة بيتزا وعليها جبنة وندخلها تحت الشواية عشر دقائق لحد مالجبنة تسيح خالص هيبقى شكلها كأنها بيتزات صغيرة ومليانة حشو من جوا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد