→ كل الوصفات

سينابون رولز

طريقة عمل سينابون رولز سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 اكواب دقيق
  • ½ كوب من الحليب الدافئ
  • ¼ كوب من الزبدة اللينه
  • بيضه واحده
  • معلقه صغيره ملح
  • معلقه كبيره خميره
  • ½ كوب من السكر البني أو العادى
  • 3 معالق كبيرة قرفه
  • ¼ كوب من الزبدة
  • مكسرات حسب الرغبه زى الجوز والفول السوداني
  • ¼ كوب حليب
  • ½ كوب سكر بودر
  • ¼ كوب زبدة
  • جبنه كريمي أو جبنه مثلثات
  • معلقه صغيرة من الفانيليا
  1. اولا نحضر الخميرة ف ربع كوب ماء دافئ ومعلقه سكر ونقلبها ونسيبها خمس دقايق
  2. ثم نخلط المكونات السائله مع بعض زى الحليب والبيض والزبدة. وبعدين نضيف الدقيق علي المكونات بعد نخله ورشه الملح ونضيف الخميرة ونخلط كويس لحد ما العجينه تتجانس هنعجنها شويه. وبعدين نسيبها تخمر ساعه
  3. بعد ما تخمر هنرش السطح اللي هنفرد عليه بالدقيق. هنفرد العجينه برفع نص سانتي هنفردها مستطيل بالطول كدا ونساوى الحروف وهندهنها بالزبدة كويس وهنرش عليها السكر بالقرفه ونلف رول ونقطعها قطع صغيرة. هتدهني الصينيه زبدة حاجه بسيطه وترصى السينابون وتسيبي مسافه بين كل واحدة والتانيه عشان هتتمدد ونسبها تخمر نص ساعه كمان
  4. هنسخن الفرن علي درجه حراره 165 درجه مئويه وندخل الصينيه الفرن لحد ما السينابون يحمر من فوق وتحت.. ف الوقت دا هنخلط مكونات الصوص مع بعض واول ما يطلع السينابون من الفرن نحط عليه الصوص. ونزين بالمكسرات. وبس كدا 😀
عجبتك الوصفة؟
شوف كل وصفاتنا في مكان واحد
كل الوصفات →