→ كل الوصفات
#زينة_الحياة حنا نستهلكو السيڤار بكثرة في شهر رمضان المبارك و لما يكمل الشهر الفضيل نتوحشو السيڤار بزاف خاصة الاطفال و على هذا تقدرو تحضروه في المنزل ليكم و لأطفالكم بكل سهولة و بمكونات اقتصادية ...تابعو معي 😘😘😘
المقادير
- 2 كاس ماء
- 2 كاس فرينة
- 1/2 كاس سميد رطب
- مغرفة كبيرة عسل
- رشة ملح
- 1/4 كاس زيت
- العسل
طريقة التحضير
- في اناء نحط الماء و العسل و الزيت و رشة ملح نخلطوهم و نحطوهم فوق النار يغلو
- لما يغلو نحطهم من فوق النار و نخلط الفرينة و السميد معا و نضيفهم للخليط بدفعات و نخلط بملعقة حتى تتخلط جميع المكونات و نتحصل على عجينة
- نجيب الكيس الحلواني و ندير في وسطو العجينة و هي سخونة و نشكل حبات السيڤار و نخليهم يبردو حوالي ساعة او اكثر
- في طاوة ندير كمية من الزيت و نديرها فوق النار و نخليها لما يسخن الزيت جدا نقص للنار و ندير حبات السيڤار يطيبو لازم يكون الزيت مغطيهم و نخليهم لما يتحمرو نخرجهم من الزيت و نغطسهم في العسل مباشرة
- ملاحظة : لازم السيڤار يرتاح جيدا و الزيت لي يطيب فيها لازم نكونو سخناها من قبل جيدا هكذا ينجحلك السيڤار و ميتحلش
- ان شاء الله يعجبكم شهية طيبة 😘😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد