→ كل الوصفات
طريقة عمل شاتو كيك شوكولاتة محشي كريمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كوب دقيق
- 1 كوب زيت
- 1 كوب سكر
- 1 كوب لبن
- 3 بيضات
- 1/2 كوب كاكاو خام دريم
- كيس كيك شيف
- كيس فانيليا
- م ص خل
- رشة ملح
- 2 كيس كريم شانتيه
- 1/2 كوب لبن مثلج
طريقة التحضير
- نضرب السكر والزيت واللبن والكاكاو في الخلاط او بالمضرب الكهربائي وناخد كوب من الخليط ونسيبه على جنب
- نضيف على باقي للخليط البيض والفانيليا والخل ونضربه
- ننخل الدقيق ونضيف الكيك شيف ورشة الملح ونقلبه وننزله على الخليط السائل ونضربه كويس في اتجاه واحد ونصبها في قالب وتدخل فرن سخن على ١٨٠ ونص ساعة ونختبرها اذا استوت ولا محتاجة وقت تاني ونخرجها تبرد
- نضرب الكريمة واللبن والكيكة بتستوي ونحطها في الثلاجة لحد ما الكيكة تبرد ونحشيها وننزل عليها بالخليط اللي سيبناه على جنب ونزينها زي ما نحب وبألف هنا
- ملحوظة ١: لو عاوزة الصوص يبقى تقيل يبقى اعمليه في الخلاط ولو حابة انه يبقى خفيف اضربيه بالمضرب الكهربائي
- ملحوظة ٢ : الكمية دي كبيرة على القالب فبحط اكتر من نصه بشوية والباقي بسويه في بولة الشوربة عادي زي الصورة او اي حاجة بتدخل الفرن مج ممكن وهكذا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد