→ كل الوصفات

شاكرية كفتة لحمة الدجاج

حبيت أبتكر أكله جديده، نحن بنعمل شاكرية دجاج بس هالمره حبيت أغير الطريقه وأبتكرتها بالكفته منو بغير طريقة الطبخه وببتكر طريقة جديده #سوريتي_هويتي_غداء_مميز_شاكرية_كفتة_الدجاج_رابعة_الديري_Rabaa_Alderi

  • كيلين لحمة صدورة دجاج
  • بصله بيضاء
  • بصله حمراء
  • 3 فصوص ثوم
  • قطعه صغيرة زنجبيل بما يعادل ملعقه طعام
  • عود كرافس
  • قرن فليفله أخضر أو ملون
  • قشر ليمون
  • 0.25 حبة كُراث
  • م ط ملح
  • م ط بهار دجاج
  • م ص هيل ناعم
  • م ص فلفل أسود
  • 0.5 م ص قرفه
  • 0.5 م ص شطه (بابريكا)
  • كيلو لبن رايب (زبادي)
  • م ط نشاء
  • م ص ملح
  • 3 ملاعق زبده
  • ملعقتين زيت نباتي
  • بصله جوانح
  • عصفر
  1. بجهز المكونات وبغسل الدجاج بالخل والملح
  2. بضيف الخضره المقطعه بمحضرة الطعام
  3. بعد ما نفرمت الخضره بضيف صدورة الدجاج
  4. بفرم الدجاج مع الخضره
  5. بضيف الجزر والبهارات
  6. ببل أيدي بالماء وببدأ أكور اللحمه (أشكلها لكُرات)
  7. بمقلة بضيف زبده وملعقتين زيت ذره
  8. بقلي اللحمه بالزبده
  9. بس تستوي الكُرات بقلبهم على الجهة الثانيه
  10. بعد ما تستوي اللحمه بضيف بصل جوانح فوق الكفته وبغطيهم حتى تذبل البصله
  11. بكون أنا مجهزه اللبن المغلي (الشاكريه)ويلي هي::بالخلاط بخلط اللبن الرايب مع ملعقة النشاء وبصب اللبن يلي خلطو بالخلاط بالطنجره وبحطهم على النار مع الإستمرار بالتحريك مشان اللبن ما يفرط بس يغلي اللبن بصبو فوق الكفته المستويه
  12. وبخليهم يغلوا خمس دقائق مع الكفته
  13. بطفي تحتهم وبتكون أستوت الطبخه
  14. وبتقدروا اتضيفوا عصفر
  15. بقدم جنبها رز بالشعيريه وخضره
  16. ملاحظه :الشاكريه ما بتتغطى بعد ما تغلي ؟لأنها بتفرط وهيه ساخنه
عجبتك الوصفة؟
شوف كل وصفاتنا في مكان واحد
كل الوصفات →