→ كل الوصفات

شاورما الدجاج المنزلية 😍

ع طريقتي 😍😍😍😍

  • 4 صدور دجاج مسحب (بدون عضم)
  • علبة لبن صغيرة
  • 0.5 ليمونه
  • 3 معالق بهار شاورما
  • معلقة كاري
  • معلقة بابريكا
  • معلقة بصل بودرة
  • معلقة توم بودرة
  • معلقتين طحينية ** سر النكهة الطيبة متل المطاعم
  • سنين توم لتعزيز النكهة اختياري
  • فنجان صغير زيت زيتون او 5 معالق
  • كاستين مي
  • اربع معالق نشا
  • سنين توم
  • معلقتين لبن
  • فنجان صغير زيت نباتي
  • حبة فلفل حلو كبيرة
  • حبة بصل كبيرة
  • ملح حسب الرغبة
  • فلفل اسود اختياري
  • 5 ارغفة خبز شراك
  1. نغسل صدور الدجاج باليمون او الخل ونقطعهم شرائح وبنتركها شوي لنحضر خلطة النقع
  2. بوعاء عميق بنحط اللبن والزيت والطحينية والليمون والبهارات والتوم وبنخفقهم وبننزل الدجاج عليهم وبنتركها اقل شي اربع ساعات ويفضل تتركيها ليله كاملة بالتلاجة لتتعزز النكهه
  3. لما تطلع الدجاج بنشوحهم ع النار شوي مع الخلطه تبعهم وبس يتغير لون الدجاج بنضيف البصل والفليفلة مقطعين جوانج وبنحركهم وبنضيف رشة ملح ورشة فلفل اسود حسب الرغبة وبنتركهم ع نار هادية حتى يستوو وبس تستوي بنحمي النار ونحمرهم شوي
  4. بهي الفترة بنحضر صوص الشاورما... ع النار بنحط كاستين مي مع اربع معالق نشا وبنحركهم لحتى يكثف ويصير متل المهلبية بنتركه ليبرد كويس.. بعدها عالخلاط بنحط الخليط مع اللبن والتوم وبنزل عليه الزيت بالتدريح والملح بنخفقهم ليصير الخليط متماسك
  5. بس تستوي الشاورما بنقطع الخبز لنصفين بنحط الصوص وفوقة كمية من خلطه الشاورما وبنلفها وهيك لتخلص الكمية
  6. بنحمي عالنار صينية تيفال بنمسحها بشوية زبده او زيت وبنصف الشاورما عليه وبنضغطها شوي لتحمر او بنحطها ع الجريل
  7. وبس تجهز بنقطعها وبنقدمها مع البطاطا المقلية والسلطات والصوص اللي حضرناه
  8. وبالصحة والعافية 😍😍
عجبتك الوصفة؟
شوف كل وصفاتنا في مكان واحد
كل الوصفات →