→ كل الوصفات

شاورما الدجاج

#تحدي_الدجاج

  • 1/2 كيلو صدور فراخ متقطعة شرايح طولية صغيرة ورفيعة
  • معلقتين كبار دبس رمان
  • 1/4 كوب خل
  • عصير نصف ليمونة
  • معلقتين كبار زبادي
  • معلقة كبيرة كاتشب
  • رشة بابريكا
  • رشة زعتر
  • رشة زنجبيل
  • معلقة صغيرة ثوم باودر وبصل باودر
  • معلقة صغيرة من السبع بهارات
  • 2 فلفل اخضر مقطع شرايح رفيعة
  • 2 بصل مقطع شرايح رفيعة جوليان
  • 2 طماطم بدون البذر مقطعة شرايح رفيعة
  • بقدونس مفروم
  • زيت طعام
  1. هنحط مكونات التتبيلة على الفراخ التوابل والملح والفلفل الاسمر والخل والليمون والكاتشب والزبادي ونسيبها في الثلاجة مش اقل من 3 ساعات وكل ما المدة تزيد هتكون افضل
  2. نجيب طاسة تيفال ونحط معلقتين زيت ونسيبها تسخن جامد وننزل الفراخ ونفردها في الصينية ونحاول منقلبهاش عشان تتحمر وتأخذ لون جميل ومتفقدش ميتها ويفضل نسيج الفراخ طري هنسيبها لحد ما وجه يتلون نقلبها على الوجه التاني
  3. هننزل بالبصل والفلفل الاخضر والطماطم ونقلبهم ومنسيبهمش كتير على النار عايزينهم يفضلوا محتفظين بقوامهم واخر حاجة نضيفها البقدونس عشان ميسودش وميتهريش وممكن بعد ما نطفي عليها نولع فحم وعليه نقطتين زيت ونغطي الشاورما عشان تأخذ نكهة الفحم والشوا
  4. يتعمل جنبها ارز بسمتي او ارز اصفر او تتحشي في العيش السوري مع ثوميه وبالف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →