→ كل الوصفات

شاورما الفراخ بالبشاميل

#يوميات_رمضان #اكلات_رمضان

  • مكونات الشاورما
  • 1/2 كيلو لحم فراخ شرايح
  • بصله كبيره
  • كوب فلفل ألوان مقطع وممكن العادي
  • معلقه صغيره فلفل اسود
  • معلقه صغيره ملح أو حسب الحاجه
  • معلقه صغيره كزبره
  • معلقتين كبار خل
  • معلقه كبيره سمن
  • للبشاميل
  • لتر لبن
  • 4 معالق دقيق
  • ملح وفلفل اسود حسب الحاجه
  • المكرونه
  • كيس مكرونه فرن 400 جرام
  • ميه للسلق
  • معلقتين زيت
  • بيضتين للوش
  1. حله عالنار فيها كميه كافيه المكرونه تغلى وهنضيف فيها الزيت هتغلي هننزل بالمكرونه تتسلق نص سلقه هنبردها ونصفيها كويس ونسيبها على جمب
  2. هنقطع الفلفل والبصل جوانح رفيعه وعلى النار هنضيف طاسه هتسخن اوي هننزل بالسمن ونشوح البصله وعليها الفلفل بعدها
  3. هنقطع الفراخ شرايح وننزل بيها على الفلفل ونقلبهم حلو جد تتشوح معاهم ونقلبهم كويس جدا هنضيف الخل والتوابل ونظبط الملح ونسيبها تتشرب بعد ماتستوي وتتشرب ميتها هنحطها فطبق ونسيبها على جمب شويه
  4. مكان الشاورما هنضيف مكونات البشاميل ونفضل نقلب باستمرار لما يتقل ويكون كريمي هنجيب قالب الفرن وننزل بشويه بشاميل بسيط ونوزعهم وبعدين هنوزع نص المكرونه عليه وبعدين نص الشاورما وعليها نص البشاميل وهكذا باقي المكرونه وباقي الشاورما وباقي البشاميل هنرب البضتين ونوزعهم عالوش وندخلها الفرن لما تستوي وتأخذ وش وبالهنا 💪✋
عجبتك الوصفة؟
شوف كل وصفاتنا في مكان واحد
كل الوصفات →