→ كل الوصفات

شاورما الفراخ بكل سهوله

طريقة عمل شاورما الفراخ بكل سهوله سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو بانيه
  • 2 طماطم
  • فلفل رومي
  • بصل
  • معلقه ملح، ملعقة فلفل اسود، ملعقة بابريكا، نص ملعقة زنجبيل، ملعقة صغيرة ثوم بودرة وبصل بودرة ولو متوفر عندك تحطيه بهارات كبسه
  • وخل
  1. اول خطوه هنجيب الفراخ ونعمل لها محلول التنظيف هنحط البانيه في ميه ومعلقتين ملح ومعلقتين سكر وليمونه ونعصر الليمون عليها ونقلب المكونات دي كلها هنسيبها لمده نص ساعة هيكون شكلها زي اللي في الصوره بالظبط يبقى انت كده تخلصتي من كل الزفاره اللي في الفراخ
  2. بعد كده هنقطع الفراخ شرايح طويله بالشكل ده ونحط عليها الخل وهنقطع الخضروات برده بالشكل ده
  3. هنجيب حله ونحط فيها شويه زيت ونحط فيها البصل ونحمره لحد ما ياخذ لون احمر بسيط
  4. بعد كده هننزل بالفراخ ومنقلبهاش شويه عشان لو قلبنا فيها الفراخ هتنزل ميه
  5. لما الفراخ بتبتدي تأخذ سوا شويه بنضيف لها الفلفل وبعد لما تستوي خالص بنضيف ليها البهارات والطماطم
  6. وبالف هنا وشفا 😋
عجبتك الوصفة؟
شوف كل وصفاتنا في مكان واحد
كل الوصفات →