→ كل الوصفات
دي طريقتي وطعمها جميل اللهم بارك والتوميه اجمل وبإذن الله هتعجبكم 💫♥️♥️
المقادير
- صدرين دجاج ووركين مخليين
- بصله
- فصين ثوم
- علبة زبادي 120جم
- 1/2 برتقاله بقشرها
- زيت زيتون
- خل
- معلقتين كبار كاتشاب
- معلقة عسل او سكر صغيره
- معلقه كبيره هريسه شطه
- ملح
- نصف معلقه فلفل اسود
- نصف معلقه بابريكا
- نصف معلقه زعتر
- نصف معلقه قرفه
- ربع معلقه زنجبيل
- نصف معلقه السبع بهارات
- معلقة كبيره سمنه
- نصف ملعقة عسل
- 5 فصوص ثوم كبار
- 1/2 كوب ماء
- معلقتين كبار نشا
- معلقتين كبار زبادي
- معلقتين كبار مايونيز
- معلقه هريسه شطه
- معلقتين خل
- 1/2 معلقه صغيره ملح
- 1/2 معلقه سكر
- 1/4 كوباية زيت نباتي تقريبًا
طريقة التحضير
- نقطع الصدور والاوراك شرائح طوليه والاوراك علشان تزيد طراوة
- نضع في الكبه البصل والتوم والبرتقال والزبادي والكاتشاب والخل ومعلقتين كبار زيت زيتون ومعلقة هريسة شطه وكل البهارات المذكورة نصف معلقه من كله ماعدا الزنجبيل ربع معلقه صغيره والعسل ونضرب وهتشموا اجمل ريحة للتتبيله ونضعها ع الفراخ اقل حاجه ٤ ساعات ويفضل ليله كامله في التلاجه
- نضع في طاسه كبيره معلقة كبيره سمنه ومعلقتين زيت تسخن جامد وننزل بالشاورما تاخد لون دهبي محمر من تحت ونقليها على الوجه التاني لحد ماتستوي يمكن إضافة بصلتين جوليان وفلفل الوان شرائح إذا حبيتوا وبعد ما تستوي بحب ادخلها الفرن تحت الشوايه تاخد لون جميل تاني من فوق زي الصورة ونسخن فحمه ونحط عليها زيت علشان تدي طعم سيخ الشاورما
- عمل التومية في كسرولة نضع الماء والنشا والتوم فصوص كامله بدون قشرها ونقلب جيدا ثم نرفعهم ع النار لحد ما يتماسك القوام ونقفل ونسيبهم يبرد خالص
- في الخلاط نضع خليط النشا بالتوم مع الزبادي والمايونيز والخل والملح والسكر واللبن ونشغل الخلاط وننزل بالزيت أثناء تشغيل الخلاط كالخيط حتي يتقل القوام ونحطها ف التلاجه ساعه قبل الاكل
- واعمل التوميه الحاره ناخد نصف الكميه ونقلب معهم معلقة هريسه شطه وبالهنا والشفا ♥️♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد