→ كل الوصفات

شاورما الفراخ

طريقة عمل شاورما الفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو صدور فراخ متقطعه شرايح
  • فلفل الوان
  • طماطم شرايح
  • شرايح بصل
  • بهارات ملح
  • كمون
  • بابريكا
  • زنجبيل مطحون
  • فلفل اسود
  • قطعه ليه
  • ملعقه صغيره سكر
  • 3 معالق كبار زيت
  • 2 ملعقه خل
  • معلقتين كبار زبادي
  1. اولا هجيب بولا واحط فيها كل البهارات وعليهم معلقتين الزبادي
  2. وانزل عليهم بصدور الفراخ بتاعتي وقلبهم كويس
  3. بعد ماقلبتهم في التتبيله هحط طاسه على النار وانزل بمعلقه زيت فيها مع قطع الليه
  4. بعد مازيت يقدح انزل بصدور الفراخ بتاعتي واسبها تاخد صدمه
  5. بعد ماتتشرب الليه والزيت هرفعها من على النار
  6. وبعدين انزل بالفلفل الالوان والطماطم
  7. واقلبهم كويس وارجع احطها على النار لمده خمس دقائق
  8. هجيب طبق واضيف فيه الخل واضيفله معلقه صغيره سكر وانزل فيها البصل بتاعي واسيبه منقوع في الخل خمس دقائق
  9. وبعدين اضيفه على الشاورمه بتاعتي واقلبه كويس جدا
  10. هسيبه على النار كمان خمس دقائق عشان يستوي وبعد كده ارفعه من على النار وتقدم بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →