→ كل الوصفات

شاورما الفراخ

#ع_طريقتي #ولا_احلا 😍 #سر_الطبخة

  • شرايح فراخ
  • علبه زبادي
  • ليمونه
  • خل
  • بابريكا
  • بهارات فراخ
  • ملح
  • و فلفل اسود
  • 2 معلقه زيت زيتون
  • شرايح فلفل رومي
  • شرايح بصل
  • فلفل-حار 🌶
  • 1 طماطم شرايح
  • للخبز
  • دقيق
  • ملح
  • علبه زبادي
  • لبن
  • ثوم بودرة
  • وبصل بودرة
  1. هنتبل شرايح الفراخ قبلها بكام ساعة وهانحط في البوله علبه الزبادي و معلقتين زيت زيتون وليمون وخل بهارات فراخ وملح وفلفل اسود بابريكا نخلطهم سوى ونزل عليهم الفراخ ونقلبها ونحطهم بالتلاجه
  2. الخبز.. هانحط الدقيق في بوله ونحط عليه رشه ملح ونص ملعقة ثوم وبصل بودرة وعلبه زبادي و٣ معلاق زيت زيتون ونفركهم ونعجن باللبن حسب ماتحتاج منك العجينه.. و نتركها ترتاح نص ساعة وبعد كدا نقطعها كور صغننه ونسيبها بردو ترتاح شويا عبال ما نعمل الشاورما
  3. في حله هانحط زيت وننزل بالفراخ عليه تغير لونها هانضيف البصل والفلفل ونقلبهم واول ما يستوي نضيف الطماطم ونشوف بقى اذا عايزه ملح وبهارات حسب الرغبه.. ننزلهم من الحله في صينيه مفروده وندخلها الفرن ونحمرها ونقعد نقلب فيها لحد مانتاكد ان كلها اتحمرت
  4. هانجيب جريلا سيراميك او جرانيت ونسخنها على النار ونبدا نفرد العجين ونسويها ونغطيها اول بأول.. هاناخد الفطير دا ونحشيه شاورما ونلفو ونكون محضرين السندويش ميكر ونضغطو فيه وبالهنا والشفا ✌️ ونقدمها مع بطاطس محمره وسلطه طحينه 😉🤩💝
  5. #سر_الطبخة انو بعد ما نعمل الشاورما في الحله نحطها في الصينيه ونحمرها في الفرن ونولع فحمه ونحطها في الزيت عشان تعمل طعم مدخن كأنها معموله على الفحم 👌 #عمايل_ايديا_وحياة 👀
عجبتك الوصفة؟
شوف كل وصفاتنا في مكان واحد
كل الوصفات →