→ كل الوصفات
الوصفة ديه لو كنتي سالقه لحمة وفاض منك قطعتين او اكتر هتنفع جدا وتوفر شويه
المقادير
- 4 قطع لحم مسلوقة
- بصله كبيره حوالي كوبايه متقطعه
- ½ معلقه صغيره السبع بهارات
- ½ ثمره فلفل ملون
- ميه حسب الاحتياج
- معلقه كبيرة نشأ
- ملح حسب التذوق
- معلقه كبيرة سمن
- ½ معلقه صغيره فلفل اسود
طريقة التحضير
- هنقطع اللحمة شرايح وفي حله على النار هنضيف السمنه تسخن اوي هننزل بالبصل ونقلبه مع السمن كويس اوي لما يتحمر هنضيف الفلفل ياخد تقليبه معاه
- هننزل باللحمة بعد التقطيع ونقلبها مع البصل كويس اوي هنضيف الميه ونستناها تغلى لو اللحمة مستوى تغلى مع الميه غلوتين وبس
- لو ناشفه شويه هنزود نص كوب ميه على الكوبايه ونغطيها ونخليها على نار هاااديه تكمل التسويه بعد ماتغلي وتستوي مع مراعاه لزوم وجودميه فاللحمة يعني لو الميه نشفت أثناء تكمله التسويه نزيد نص كوب تاني عشان نلاقي فيها صوص فالنهاية هنضيف الفلفل والسبع بهارات ونظبط الملح
- في معلقتين ميه هندوب معلقه النشا وننزل بيها مع التقليب اول ماتتقل وتعملي الصوص فاللحمة تتقدم سخنه وبالهنا ✋👍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد