→ كل الوصفات
طريقة عمل شاورما اللحمة بالطريقة المصرية ❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- قطع لحم متقطعه شاورما طولية (نص كيلو تقريبا)
- طماطمايتين مخليتين
- بصلتين وسط
- ٢ فلفل اخضر
- معلقة سمنة
- معلقة زيت
- ملح وفلفل اسود
- بهارات لحمة
- قرفة حسب الرغبة
- فص توم كبير مهروس
طريقة التحضير
- في طاسة غير لاصقة نضيف المادة الدهنية لحد ما تسخن كويس وبعدين ننزل بشرايح اللحمه ونحمرها كويس اوي من كل الجهات ونضيف ماية مغلية شوية بشوية كل ما تنشف الماية نزود لحد ما تستوي اللحمة كويس وتنشف كل الماية
- نضيف البصل المتقطع ونشوحه مع اللحمه وبعدين التوم المفروم و الفلفل وبعدين الطماطم
- ونقلب كويس ونضيف التوابل والملح ونضيف شوية ماية صغيرين ونسيبهم يتسبكو مع بعض كده كويس لحد ما الماية تنشف وبكده تكون الشاورما خلصت
- تتقدم بقا مع مكرونة او رز او في كايزر مع طحينة وبصل بالبقدونس وبالف هنا ❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد