→ كل الوصفات
طريقة عمل شاورما اللحمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو لحمة بفتيك أو أكتر حسب العدد
- ملعقة كبيرة ثوم بودر
- ملح وفلفل اسود حسب ما بتحبى
- ملعقة كبيرة سبع بهارات
- 1/2 ملعقة صغيرة سكر
- 1/4 كوباية خل
- 1/2 كوباية كريمة (لو مش عندك ممكن تستخدمي زبادي)
- طماطم مكعبات صغيرة
- بقدونس مفروم الكمية حسب ما تحبى
طريقة التحضير
- قطعى اللحمة شرايح رفيعة جدًا، وحطى كل البهارات على اللحمة (من غير الكريمة أو الزبادي) وقلبيهم كويس أوى وبعد كدا حطى عليهم الزبادي وقلبى كويس، ودخليهم الثلاجة ليلة على الاقل لطعم أحلى
- ثاني يوم.. شوية زيت فطاسة ساخنة اوي على النار نزلى فيها الشاورما وافضلى قلبى فيها لغاية ما تتشرب كل السوايل، اول لما تتشرب خليها تأخذ لون بقى شوية
- بعد كدا حطى الطماطم وقلبيها مع اللحمة لحد ما تذبل شوية، وآخر حاجة البقدونس، وطبعًا متنسيش الطحينة مع ساندوتشات الشاورما
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد