→ كل الوصفات
شاورما اللحمة بكل تفاصيلها بأسهل طريقة ممكن تعمليها جربي الشاورما بالطريقة دي هتعجبك بجد😋💓
المقادير
- 1/2 كيلو لحمة مقطعه شرائح رفيعة
- 1 بصلة كبيرة مبشورة
- 1/4 كوب خل
- 1/2 ملعقة صغيرة فلفل اسود
- 1/2 ملعقة صغيرة بابريكا
- 1/2 ملعقة صغيرة بهارات لحمه
- 1/2 ملعقة صغيرة سكر
- رشة جوزة الطيب
- 2 بصلة مقطعة شرائح
- 2 فلفل أخضر مقطع شرائح
- 2 طماطم مقطعة شرائح
طريقة التحضير
- أولاً في طبق غويط حوطي شرائح اللحمة وعليها البصله المبشورة والخل والملح والفلفل والسكر والبابريكا وبهارات اللحمة ورشة جوزة الطيب وقلبيهم مع بعض كويس وبعد كدة غطي الطبق بالبلاستك الأسترتش ودخلي الطبق التلاجة وسيبيه مش أقل من ساعتين او تلاتة ولو عملتي الشاورما من بليل بتكون احسن😍
- بعد كدة جيبي مقلاية وحوطي فيها حبة زيت وملعقه ذبدة ولما تسخن نزلي فيها الشاورما وقلبي الشاورما وسيبيها لحد لما تستوي وتتحمر حبه ولو حسيتي إن اللحمة لسة مش مستوية حوطي فيها حبة مية 😍
- بعد لما الشاورما تتشرب كل كمية المية ضيفي ليها شرائح البصل والفلفل والطماطم وياريت شيلي بذور الطماطم عشان متنزلش مية وقلبي الشاورما كويس لمدة دقيقة مع الخضار وأقفلي النار عليها متسبيش البصل والفلفل والطماطم كتير على النار😍
- قدمي بئا الشاورما في العيش الفينو🥖 أو العيش السوري🌯 وأكيد طبعاََ مع الساندوتشات سلطة طحينة وبطاطس🍟 او تومية وأستمتعي بالطعم الجبار وبالعافية عليكي حبيبتي 😘😍💓🌷
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد