→ كل الوصفات
شهيه جدااااا وطريه بتجنن لا تفوتكم
المقادير
- مقدار عجينه الخبز
- كاسه ونص طحين متعددالاستعمالات
- ربع كاسه زيت نباتي
- ملعقه شاي ملح
- كاسه حليب (بحراره المطبخ)(الاضافه حسب نوع الطحين)
- مكونات الشاورما
- لحم الشاورما (لحم خروف مقطع بشكل طولي)
- للتتبيلة
- ملعقه طعام بهار الشاورما الخاص
- رشه فلفل اسود
- رشه فلفل احمر حار
- رشه هيل
- 3 حبات من كبش قرنفل
- ملعقه طعام ملح
- ملعقه شاي بهار اللحم
- بصله مفرومه ناعم جدا
- 3 سن ثوم مهروس
- ملعقه كبيره خل ابيض
- ملعقه كبيره لبن رائب
- ملعقه كبيره كاتشب
- فليفله خضرا مفرومه ناعم
- صوص الطحينه عباره عن
- علبه لبن رائب
- ملعقه كبيره طحينه
- 2 سن ثوم مهروس
- عصير نص ليمونه
- رشه ملح
طريقة التحضير
- بسم الله بحضر الخبز : بسبس للطحين منيح بالزيت برؤس الاصابع بفركو مده ٥ دقايق ليتجاانس منيح
- بضيف الملح وبحرك ، بعدها بعجن بالحليب لتتكون عجينه طريه وملساء ، بغطيها وبريحها ساعه
- بتبل اللحم بالمكونات المذكورهً وبحطو بالتلاجه اقل شي ٤ ساعات
- بعد ساعه بفرد العجينه عسطح مرشوش بالطحين بشكل رقيق وبقطعا بشكل دائري باستخدام صحن دائري بحمي المقلاه عنار وسط
- بفرد العجينه..وبحمرها من الجهتين وبشيلها وبحتفظ بلارغفه بفوطه نظيفه للمطبخ قطنية او بغطيهم بطنجره ليضلوطريين لوقت الاستخدام
- بحضر الصوص بخلط المكونات مع بعض
- بحمي المقلاه عنار عاليه جدا.. بحط الشاورما وبغطيها عنار هاديه لتستوي ولو نشفت المي بضيف شوي مي لأتأكد أنها ستوت منيح
- بفرد الارغفه بدهنها بالصوص وبضيف الشاورما ومخلل بطاطا مقليه بصل (حسب الرغبه الإضافات) ويلف ويقدم
- فيكم تدهنو الارغفه بالزبده ودخلوها الفرن ٥ دقايق (حسب الرغبه) انا اكتفيت بعدم ادخالها الفرن
- وصحتين وهنا يارب تعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد