→ كل الوصفات

شاورما اللحم

طريقة عمل شاورما اللحم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو لحم احمر خاص بالشاورما مقطع رقيق زى البفتيك وتقطعيه شرائط رفيعة
  • فلفل الوان
  • حته ليه (اختيارى)
  • 0.25 كوب خل
  • حبهان مطحون
  • ملح
  • فلفل
  • بهارات جوزة الطيب
  • زيت
  • بصل حلقات
  • شويه بقدونس
  1. فى بوله هاتحطى الخل والملح والفلفل والبهارات والهيل المطحون وجوزة الطيب ولو عندك مستكة مطحونه تبقى تحفه
  2. تقلبى كله مع بعضه وتضيفى عليها اللحمه وقلبيها واتركيها ساعتين تتبل عشان الخل بيساعد فى سوى اللحمة بعد كده نيجى للسوى
  3. هاتى طاسه وسخنيها كويس وضيفى شوية زيت وتسخن برضه كويس وانزلى باللحم والتتبيله بتاعته وقلبى كويس عشات اللحم ماينزلش ميته وضيفى الليه ودى حسب رغبتك
  4. قلبى كويس لما تتشرب الميه كويس تنشف انزلى بالبصل وقلبى برضه مش عاوزين البصلة تطرى قوى عشان نحس بطعمها
  5. بعد كده انزلى بالفلفل الالوان ويدوب كام تقليبة واطفى عليها وطبعا تظبطى ملحك واللحمة بتستوى بسرعة لان الخل اللى اتنقعت فيه بيساعد على نضج اللحمة بسرعة
  6. اغرفيها وجرنشى الطبق بشوية بقدونس عليها وممكن تعملى منها سندوتش من عيس التورتيلا او عيش فينو حسب رعبتك ويارب تكون نالت رضاكم
عجبتك الوصفة؟
شوف كل وصفاتنا في مكان واحد
كل الوصفات →