→ كل الوصفات
طريقة عمل شاورما دجاج بالنكهه السوري والمصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو صدور دجاج
- معلقة صغيرة ملح
- معلقتين كسبرة ناشفة
- معلقة فلفل اسود
- معلقة بهارات مشكلة
- معلقة ثوم بودر
- رشة خفيفة قرفة
- 3 ملاعق خل
- 1/4 (0.25 كوب) خل لاستخدامه بعدين
- قطعه ليه (شحم خروف) اذا وجد
- معلقة زيت
- شرائح بصل
- قليل من البقدونس
- 🌸وللتقديم
- ثومية
- سلطة طحينة
- مخلل خيار
- بطاطس محمرة
طريقة التحضير
- بجيب صدور الفراخ واقطعها شرائح رفييعة واتبلها ب فلفل اسود ، وبهارات مشكلة، وكسبرة ناشفة و رشه قرفة وملح ورشة ثوم بودر و ٣ معلقة كبيرة خل ، وافركها كويس جدا
- اسيبها كام ساعة في التتبيلة لو مستعجلة مفيش مشكلة نصف ساعة، اسخن صينية واسعة اسخنها كويس قوي ، يا ريت يا ريت يكون فيه قطعه (لية) نقطعها صغير ونزلها في الصينية نشوحها عشان تنزل دهنها ، واذا مش متوافر نحط شوية زيت
- بعد كدة على نار عااالية جدا في نفس الجيريل أو الطاسة الواسعة ، ننزل الفراخ ونوزعه بالتساوي ونتركه منقلبهوش هينزل ميته ويشربها تمامت وقتها نقدر نقلب الفراخ ، لحد ما لونها يحمر وتتشوح كويس ، نروح نازلين بربع كوب خل (مهممم) ونقلب كويس ونغطي الطاسة ، نتركها خمس دقائق ، الفراخ هتكون استوت. خلاص استوت نكشف الغطاء ، وننزل بشرائح بصل ونقلب ونطفي
- 💗 للشاورما السوري هنولع فحمة ونحطها في ورقة فويل ونطفيها بنقطة زيت في وسط الشاورما ونغطي الصينية شوية ، ندهن العيش بالتومية ونحط الشاورما ومخلل الخيار ونلف الساندوتش ونحطه عالجريل
- 💓 للشاورما المصري مش هنعمل خطوة الفحمة ، هنضيف رشة بقدونس وممكن مكعبات طماطم مع البصل وسلطة طحينة في العيش وأديها مع مخلل في عيش شاورما يمي يمي 😋😋😋
- 🌸 وصفة التومية هتلاقوها في وصفاتي وده رابط الوصفة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد