→ كل الوصفات
#اكلات_شعيبة #سورية 💚 بتمنى تعجبكن وتجربوها 🌷 انا عاملتها قبل هل مرة بس هل المرة بطريقة تانية وجديدة وأطيب 😋
المقادير
- 8 قطع صدور دجاج او اكتر حسب رغبة
- 0.5 ليمونة مقطعة شرائح
- مكعب ماجي واحد
- 0.5 معلقة صغيرة هيل ناعم
- 1 ملعقة كبيرة صويا صوص
- 1 ملعقة ملعقة صغيرة ثوم بودرة
- 1 ملعقة صغيرة بهارات شاورما
- 0.5 معلقة صغيرة كمون بودرة
- 0.5 معلقة صغيرة بهارات الكاري الحلو
- 0.5 معلقة صغيرة زنجبيل بودرة
- 0.5 معلقة صغيرة بهارات الكاري حار
- معلقة صغيرة كزبرة ناشفة
- معلقة كبيرة ثوم مدقوق فريش
- 1 معلقة صغيرة دبس البندورة
- 1 ملعقة صغيرة دبس فليفلة
- 0.5 كاسة خل ابيض
- 0.5 كاسة زيت مازولا نضيف
- 0.5 كاسة ماء حسب الحاجة
- 1 كاسة لبن رائب او زبادي حسب الموجود
طريقة التحضير
- اول شي اذا منحب منقطع صدور دجاج مكعبات او شرائح رفيعة حسب كيف بتحبو لحنا عملنها مكعبات
- بوعاء منحط لبن وخل وكل البهارات مع الماجي ومنحط عليهن شرائح الليمون وزيت وصويا صوص ومنخلطهن منيح مع بعض كتيرررر واذا بدها ماء منضيف بس اذا ما بدها ما منحط انا حطيت شوي بعدين منحط قطع دجاج ومنخلطهن منيح ومنحطهن بالبراد قبل بيوم او قبل ب 4 ساعات بس كل ما عملنها قبل بتطلع اطيب وألذ
- بمقلاية على النار منحط زيت مازولا مع ملعقة كبيرة سمنة ومنحط دجاج نص الكمية ومنقلهن ثلاث ارباع الاستوا ومنشيلهن منحطهن بوعاء ومنكمل باقي الكمية منحط زيت وسمنة وكمان ثلاث ارباع الاستوا
- بصينية الفرن منحط دجاج ومنحطهن بالفرن الحامي مسبقا على درجة 180 بس من فوق لحتى تتحمر وتستوي على الأخير
- خطوة الفرن بتطلع اطيب وألذ من جاهز جربوها صورة بعد الفرن
- بس تستوي منعملها سندويش بخبز تورتيلا منحط مايونيز وشاورما وقطع بندورة ودبس رمان واذا منحب منحط بطاطا مقلية ومخلل ومنلف سندويشة
- انا عملت 3 سندويشات بس 😋 ومندهن سخانة زيت منحط سندويشات بيطلع لونها بني ومقرمش وبس تخلص منقطعها عربي 😻
- وصحتن وعافية على قلبكم يارب ♥️😻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد