→ كل الوصفات

شاورما دجاج سورية

اطيب صحن شاورما سورية بينافس المطاعم طعم بيشهي ورح تصيرو تعملوها كل اسبوع أنا أكيدة! جربوها ودعولي!

  • ٤ حبات ثوم
  • خمس معالق لبن
  • فنجان كامل خل ابيض
  • معلقة دبس بندورة
  • معلقة دبس فليفلة
  • ملح
  • بهار شاورما
  • سبع بهارات
  • ثوم بودرة
  • ظرف سيزون
  • فلفل اسود
  • شوية ماجي
  • كاري
  • زيت نباتي
  • شرحات ليمون
  1. اول شي منقطع صدور دجاج قطع رقيقة وصغيرة منحط البهارات المكتوبة واللبن والخل والزيت وشرحان الليمون
  2. منخلي الخلطة كلها ليلة كاملة بالبراد لتاخد النكهة الطيبة
  3. تاني يوم منشيل شرحات الليمون وبطنجرة على النار بحط زيت نباتي تقريبا خمس ملاعق بس يحمى شوي الزيت بحط الدجاج وبقلب لياخد لون بعدين بغطي عليه وبخفف النار للنص وبتركو ليستوي
  4. بجيب خبز صاج وبقص الخبزة نصين هلأ في عالم بتحط خبز عربي جوا السندويشة بس أنا بعتمد على خبز الصاج بس
  5. على الخبزة بحط الثوم يلي محضرينو من قبل وخيار مخلل مقطع رفيع والدجاج يلي استوا عندنا بلفها وبحطها بمقلاة ويكبسها بمكبس تقيل طبعاً بكون داهنة من زيت الشاورما السندويشة من الجهتين لحتى تتحمر عندي وتصير مقرمشة
  6. وهيك بتكون جهزت معنا اطيب شاورما سورية اصلية بالبيت وصحة والف هنا❤️
عجبتك الوصفة؟
شوف كل وصفاتنا في مكان واحد
كل الوصفات →