→ كل الوصفات

شاورما دجاج (طريقة سهلة ولذيذة 🌯)

ما شاء الله تبارك الله هالوصفه طبقتها كذا مره, لانها سهلة ولذيذة وأتوقع انها بتعجبكم إن شاء الله 💗. #شاورما #دجاج #عشاء

  • دجاج (عندكم صدور استخدموا اذا ما عندكم عادي نظفوا الدجاجه زين وشيلوا العظم وقطعوا كل الاجزاء صغار "كمية الدجاج تعتمد عليكم")
  • زبادي
  • عصير ليمون
  • ملح
  • فلفل أسود
  • بابريكا
  • كمون
  • قرفة
  • ثوم مطحون أو بهار الثوم
  • معجون طماطم
  • زيت زيتون
  • (و بالاخير تقدرون تحطون وتضيفون البهارات الي تبغونها واذا تبغون ممكن تحطون بهار حار لشورما حاره)
  • طحينية
  • بطاطس مقلية
  • مايونيز
  1. بالصدور والدجاج الي عندي حطيت كوب من الزبادي وحطيت البهارات وزيت الزيتون ومعجون الطماطم وخلطتهم. (اذا عندكم مجال اتركوها بالثلاجه لساعه واذا تقدرون ليله كامله بيكون الطعم أفضل)
  2. و الحين، بنحط شوية زيت وننزل بالدجاج (حتى يستوي)
  3. يلا نسوي صوص، حطوا بالخلاط كمية من الزبادي ومن بهار الثوم واذا يمديكم حطوا فص أو فصين ثوم مطحونين وحطوا زيت زيتون وشوية طحينية وثلاث ملاعق مايونيز وخلطوا بتكون عندكم ثومية لشورما 👌🏻
  4. حطيت بـ لفة الشورما شوية ثومية ودجاج وخبز وحطيت خس وفي لفات غير حطيت مخلل ولازم بالشورما بطاطس مقلية
  5. و بألف عافية عليكم ….🫶🏻
عجبتك الوصفة؟
شوف كل وصفاتنا في مكان واحد
كل الوصفات →