→ كل الوصفات

شاورما دجاج نفس طعم السوق

هالوصفة بتعطيكي شاورما نفس طعم الشاورما الجاهزة. انا جربتها و انبهرت بالنتيجة. سهلة جداً ما بدا شي. انا غيرت بالبهارات شوي على زوقي #بوملي

  • كيلو دجاج بدون جلد و عظم
  • 0.25 كوب زيت زيتون
  • 0.25 كوب خل ابيض
  • ملعقة صغيرة فلفل
  • ملعقة صغيرة ثوم مهروس
  • ملعقة صغيرة بودرة ثوم
  • 2 ملعقة صغيرة بهار مشكل
  • 0.5 ملعقة صغيرة هيل مطحون
  • 0.5 ملعقة صغيرة قرفة مطحونة
  • 0.5 ملعقة صغيرة زنجبيل مطحون
  • بصلة جوانح
  • ملح
  • ملعقتين كبار سمنة
  • خبز صاج او عربي
  • مخلل
  • مثومة او مايونيز و ثوم
  • بطاطا مقلية او سلطة
  1. انا استعملت تقريبا كيلو دجاج (صدور و فخاد) بدون عظم وجلد. القطع كاملة (بدون ما نقطعها شرحات)
  2. بنضيف مكونات التتبيلة على الدجاج (بدون ملح) و بنتركها تتشرب مدة ٤ ساعات على الاقل في الثلاجة. انا تركتها يوم كامل
  3. قبل ما نحمر الدجاج بنشيل عنه قطع البصل و الثوم عشان بيحترقوا مع التحمير
  4. نضع السمنة في المقلاة على نار شوي حامية و بنحمر الدجاج فيها حتى يأخذ لون ذهبي ( عادي لو الدجاج ما استوى من جوّه لان رح نكمل سواه بالفرن. نضيف الملح للدجاج اثناء التحمير. بنحمر الدجاج على دفعات و ما بنحط كمية كبيرة في المقلاة مع بعض عشان بدنا الدجاج يحتفظ بالسوائل و ما ينزل ماء خلال التحمير
  5. نضع الدجاج في جاط و بنميّل الجاط شوي عشان تترسب السوائل اللي بتنزل من الدجاج في طرف الصينية. تقريبا عشر دقائق
  6. على لوح التقطيع، بنقطه قطع الدجاج شرحات رفيعة، و بنحطها بجاط بايركس او صينية فرن بشكل مرتب. بنرش عليه شوية ملح و بهار و باقي السوائل اللي ترسبت معنا من الدجاج في الخطوة السابقة
  7. بنحط الدجاج في فرن درجة حرارته 200 درجة لمدة ربع ساعة
  8. ممكن تعملي الدجاج على شكل سندويشات مع المتومة و المخلل او يقدم على الطاولة مع السلطات
  9. الهدف من هالطريقة انا نحصل على دجاج مقرمش من الحواف و طري من جوة زي الجاهز. عشان هيك أضفنا الملح بالاخر عشان الدجاج ما ينزل ماء كتير
عجبتك الوصفة؟
شوف كل وصفاتنا في مكان واحد
كل الوصفات →