→ كل الوصفات

شاورما دجاج

طريقة عمل شاورما دجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 رغيف شراك
  • مخلل
  • مايونيز
  • 1 دجاجة مسحبة ومقطعة مكعبات صغيرة او 4 صدور دجاج
  • 1 معلقة كبيرة بهارات شاورما
  • 1 معلقة صغيرة بابريكا حلوة
  • ½ معلقة صغيرة كاري
  • ¼ معلقة صغيرة جوزة الطيب
  • معلقة كبيرة زيت زيتون
  • 2 معلقة كبيرة لبن
  • رشة ملح
  • معلقة ليمون كبيرة
  • 3 سن ثوم كبار
  • زيت قلي
  1. نبهر الدجاج بالبهارات وزيت الزيتون واللبن والليمون و بنتركه ينقع ساعتين
  2. بنحط شوية زيت قلي بالمقلى كبيرة و بنحط الثوم وبنكون مخزقينه عشان يعطي نكهة و لما يسخن الزيت بنحط الجاج وبنستنى لحد ما يستوي و ينشف على درجة حرارة متوسطة بده تقريبا من 10-15 دقيقة
  3. بس يستوي الجاج بنحطه بصحن و بناخد الزيت الي ضايل بالمقلى وبنحطه بصحن على جنب عشان ندهن الساندوش شوي منه من برا
  4. بنقسم كل رغيف لنصين و بنحط مايونيز و مخلل حسب الرغبة و بنضيف الجاج و بنلف الساندوش
  5. على نفس المقلى بنحط الساندوش و بنضغطه بطنجرة او اي اشي
  6. بس تتحمر الساندوش من تحت بندهن شوية زيت عالساندوش و بتقلبها و بنرجع بنغطها و بنستنى تتحمر و تقحمش
  7. بس تخلص يا بنقطع الساندوش او بنلفها بقصدير وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →