→ كل الوصفات
هالوصفه لذيذه وخفيفه بشكل جربوها ومتأكده راح تعجبكم 🤩👏🏻
المقادير
- 2 صدور دجاج متوسطة الحجم
- 2 بصله وسط او حبه كبيره مقطعه شرايح رفيعه
- علبه زبادي
- ملعقه معجون طماطم
- 1/4 كوب خل
- عصير نصف ليمونه + بشر الليمون مقدار نصف ملعقه صغيره
- ملح حسب الرغبه
- ملعقه صغيره لكل من : بهار مشكل ، بابريكا ، كمون ، فلفل اسود
- 1/4 ملعقه صغيره زنجبيل بودره
- 3 ملاعق كبيره زيت زيتون او زيت نباتي
- شرايح خس مقطع
- ثوميه او مايونيز
- اي خبز تفضلونه للساندويش
طريقة التحضير
- نقطع صدور الدجاج لشرايح رفيعه ونتركها على جنب
- ناخذ زبديه نضيف فيها الزبادي مع الخل والليمون وبشر الليمون ومعجون الطماطم والبهارات والملح ونخلطها كويس الين تتجانس نضيف عليها صدور الدجاج
- فينا نشتغل فيها على طول او نغطيها ونحطها بالثلاجه عشان تتبل
- في صاج ساخن جداً نضيف الزيت ونحط الدجاج ونمده عالصاج كامل الين يطلع مويته وبس تقرب تنشف ناخذ البصل بعد ماقطعناه شرايح رفيعه ونضيفه فوق الدجاج ونقلب بشكل مستمر الين تنشف تماماً ونتركها تحمر شوي من الجهتين نقفل عليها النار
- ناخذ اي نوعية خبز تفضلونها انا استخدمت خبز لبناني مفرود حطيت شوي خس مقطع شرايح وفوقه الدجاج وبعدها ثوميه مسويتها بالبيت ولفيتها رول بعدين بخيت عليها من برى ببخاخ زيت زيتون يادوب شيء خفيف حتى يعطي تحميره خفيفه بس وحمرتها عالصاج وبس بالعافيه عليكم الذ شاورما منزليه 🤍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد