→ كل الوصفات
شاورما فراخ بتتبيلة تحفة وبطعم الفحم طعمها خطييير 😋😋 #تحدي_الشيف_الذهبي #الشيف_الذهبي #شاورما_فراخ_بطعم_الفحم #كوكينا_cookina #كوكينا_اكلتك_علينا #eman_magdy #اكلات_سهلة_وسريعة #مشروبات #اكلات_دايت #اكلات_اقتصادية #عصائر
المقادير
- 1/2 كيلو بانيه متبلة وطريقة التتبيلة عندي في الصفحة لكل الفراخ🐓
- زيت وزبدة🍞🥃🍠
- بصلة كبيرة مقطعة شرائح 🌰
- 2 طماطم🍅🍅 وسط مقطعة مكعبات
- 2 فلفل اخضر او الوان🌶️🌶️ مقطع مكعبات
- فحم
- شوية زيت🥃
- فلفل
- ملح🍚
- بهارات فراخ🐓🐔
طريقة التحضير
- اول حاجة هنحط الزيت والزبدة وهنسيبهم يسيحوا على نفسهم 😁
- ودي الفراخ اللي متبلة وطريقة التتبيلة لكل انواع الفراخ على صفحتي اهي ادخلوا هنا 👇👇👇👇
- وبعد لما الزيت يسخن جداً هندي صدمة عصبية للفراخ😂 لازم الحركة دي عشان ماتنزلش الماء بتاعتها على قد مانقدر وبرضوا مش هنيجي جمبها ولا ناحيتها ولا نعرفها😂 غير لما تأخذ لون ابيض بالشكل ده وبعد كده نقلبها ونعذبها براحتنا بقى 😈👿
- وبعد كده هنضيف البصل🌰 وهنشوح شوية لحد لما يذبل ويدوخ🤕😂 وبعد كده هنضيف الطماطم🍅 والفلفل🌶️
- وبعد كده هنضيف الملح🍚 وبهارات الفراخ 🐓وكمان ضفت شوية فلفل اسود بس بلاش تزودوا في البهارات لان الفراخ بتبقى متبلة من الاول والبهارات الكتير مش بتبقى حلوة وممكن تمرر منك وتضيع طعم الفراخ
- وبعد كده هنهدي النار 🔥شوية ونشغلها موسيقى رومانسية 🎶🎵🎹😂😂ونغطيها لحد لما تستوي
- وجت اللحظة الحاسمة😍😍 اللي هتغير طعم الفراخ تماما 💪💪 وبعد ماتستوي هنولع فحمة ونحطها في طبق استنلس او ورق فويل وهنحط نقطة زيت ونغطيها لحد لما تأخذ من ريحة الفحم عايزة اقولكوا الخطوة دى بتودي طعم الفراخ في حتة تانية خالص بجد رهيبة جداا 😋😋🤩🤩
- وكده خلصت وبقيت امورة وعسل زيكوا🌹😍
- بس وقلت اعملكوا وردة رومانسية🌹😁 واكلتها في الاخر 😂😂 وبالهنا والشفا على قلبكوا الجميل ♥️♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد