→ كل الوصفات
طريقة عمل شاورما فراخ بعيش التورتيلا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فراخ بانيه مقطع بطول
- طماطم واحد
- فلفل اخضر
- بصله
- ليمون
- خل
- ملح
- كمون
- فلفل اسود
- شطه حمرا حسب الرغبه
- معلقتين زبادي
- 2 كوب دقيق لعجينة التورتيلا ذرة ملح ملعقة سكر نص كوب ماء دفي
طريقة التحضير
- الخطوة الاولى هنعمل العيش نجيب بوله ونزل فيها الدقيق المنخول عليه الملح والسكر وننزل بلمايه الدفيه شويه بشويه لحد ما تلم معانا العجينه لينه نضيفه مش متامسكه في الايد ونسيبها ترتاح نص ساعة لانها مفهاش خميره
- الخطوه التانيه بنأخذ كل التوابل والطماطم والفلفل والبصل والزبادي والشطه وعلى الخلاط ونضربهم كلهم وننزل بيهم على البانيه المتقطع بطول ونسيبها ربع ساعة
- الخطوه التالته بنجيب العجين ونقطعو كور صغير جداً متسوايه الحجم وعلى سطح رخامه ونفرد شوية دقيق ونفرد اول كوره من العجين ونشر على وجهها دقيق عشان متلزقش لحد ما نفردها دائري حجم متوسط وسمك متوسط جداً ونكرر لحد اخر كوره من العجين
- الخطوه الربعه طاسه على النار تيفال مفروده وننزل باول رغيف تورتيلا عملناه ونهدي النار عليه لحد لون محمر فاتح جداً جداً من الجانبين وتكرر العمليه لحد اخر رغيف ويغطى كل رغيف بفوطه وتركن كل الكميه على جمب لحين عمل الشورما
- الخطوه الاخير طاسه على النار فيها ملعقة زيت سخن وننزل عليها بالشورما ونسبها لحد ما تأخذ لون وبعديها نقلب على كل وجه حتى السواء وبعد ما تستوي نطلعها على جمب ونجيب العيش ونفرد عليه طحينه وكاتشب وماينز وخس كابوتشا ونضيف الشاورما وتلف على شكل رول وعلى طاسه تيفال او جريل وتأخذ صادمه وتقدم والف هنا وعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد