→ كل الوصفات

شاورما فراخ

طريقة عمل شاورما فراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 ك صدور فراخ
  • حبة بصل متوسطة
  • 2 حبة طماطم
  • 2 حبة فلفل رومي او الوان
  • 2 ليمونة
  • 2 معلقة زيت زيتون
  • معلقة صلصة طماطم
  • 4 فصوص ثوم مفروم
  • كوب زبادياو نص كوب لبن
  • معلقة طحينة خام
  • التوابل
  • ملح وفلفل اسود
  • بهارات
  • بابريكا
  • ثوم وبصل بودرة
  • حبهان
  • كركم وكاري
  1. نقطع الصدور شرايح ونجيب طبق غويط ونحطهم فيه وعليهم الليمون والزيت والصلصة والثوم والزبادي والطحينة والتوابل وممكن نستغني عنها بكيس خلطة الشاورما من كنور
  2. نغطيها بكيس ونسيبها في التلاجة ٤ ساعات ويفضل من بليل
  3. نجيب طاسة ونسخنها علي النار وبعدين ننزل الفراخ وكوباية مياه
  4. نقطع الخضار قطع صغيرة ولما تستوي الفراخ نشيلها في طبق وننزل مكانها في الطاسة الخضار ونقلبهم كويس وبعد ما يستوي الخضار نحط عليهم الفراخ ونقلبهم في بعض ونطفي عليهم وبالف هنا
  5. وممكن نجيب عيش سوري جاهز وتترص فيه مع مخلل وتومية وتتقدم بالشكل ده
عجبتك الوصفة؟
شوف كل وصفاتنا في مكان واحد
كل الوصفات →