→ كل الوصفات
اكلتي النهاردة بيتي من الالف الي الياء من اول الفراخ ، للثومية ، للسلطة ، لعيش التورتيلا بالزعتر ، حاجة كدة فوق العظمة وسهلة وسريعة والطعم كارثة الكراثات بجد 😋 #سهلة_اوي
المقادير
- 1/2 كيلو فراخ بانيه مقطعة شرايح رفيعة جدا
- علبة زبادي
- م ص من كل: بهار فراخ، بودرة ثوم علي بصل ، فلفل ، بابريكا ، زعتر
- م ص ملح
- 1 بصلة جوليان او مقطعة شرايح
- حزمة بقدونس
- م ص سكر
- م ك خل
- م ص سماق
- فلفل اسود
- ملح
- 1 بطاطس مسلوقة
- 1/2 كوب لبن
- 1 م ك خل
- زيت حسب الاحتياج
- علبة زبادي
- ثوم مفروم والكمية حسب الرغبة
- فلفل اسود
- ملح
- في البوست السابق
- مخلل خيار
- بطاطس محمرة
- جبنة موتزتريللا
- اي نوع صوص تفضليه
طريقة التحضير
- اولا الفراخ : في بولة اتبل الفراخ بالمكونات السابقة واسيبها في التتبيلة لحد لما اخلص عجن العيش واجهز الثومية والسلطة وبعدين في طاسة علي النار انزل بسمن او زبدة او زيت واشوحها علي نار متوسطة واسيبها لحد لما تستوي ،
- ثانيا الثومية : في الخلاط اضع (بطاطس، لبن ، خل) واضرب ، بعين اضيف الزيت بالتدريج براحة لحد لما اوصل للقوام اللي انا عوزاه ، بعدين اضيف باقي المكونات واتبل بالملح والفلفل واضرب وبس كدة ،
- ثالثا السلطة : في بولة انزل البصل وعليع السكر والخل وادعكه بايدي كويس جدا والحركة دي عشان البصل ميبقاش حامي وبيحرق ، بعدين اضيف باقي المكونات واقلب وبس كدة ،
- رابعا عيش التورتيلا بالزعتر : موجود بالتفصيل في البوست السابق ،
- خامسا التقديم : اجيب العيش واحط الثومية والسلطة وشرايح خيار وعليهم الشاورما وابدا الف العيش واربطه بورق فويل ،
- ولو عاوزة العيش مقرمش شوية ، يبقي بعد ما تحشيه وتلفيه ، في طاسة فيها زبدة مثلا وتنزلي العيش فيها تسخنيه لحد لما يقرمش بس اوعي تحرقيه وبس كدة ويقدم ساخن وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد