→ كل الوصفات
#مكرونة_بالشاورما
المقادير
- علبة معكرونة قوقعة كبيرة
- 0.25 كيلو بانيه
- فلفل رومي اخضر والوان
- طماطمية
- معلقة ثوم بودرة صغيرة
- معلقتين ملح
- ملعقة كاري صغيرة
- معلقة بهارات فراخ صغيرة
- 0.25 ملعقة كمون صغيرة
- معلقتين دبس رمان كبيرة
- ملعقة صوص ماجي صغيرة
- معلقتين صويا صوص فاتح
- ملعقة صلصلة كبيرة
طريقة التحضير
- هنحط المعكرونة في مياه ساخنة مع ملعقة ملح ونسبها تستوي
- هقطع البانية شرايح رفيعة وصغيرة زي الشاورما ونحطها مع كل البهارات تتبل
- هنجيب بقي الفلفل والبصلة والطماطمية نقطعهم صغير ونحطهم في طبق مع ملعقة الصوص ماجي والصويا صوص لو مش موجود حاجة منهم عادي مش مشكلة لو مش موجودين الاتنين نبقي نحط نص مرقة ماجي نفتفتها عليهم تمام كدة
- هنطلع المعكرونة ونشطفها بقى وعندنا البانية متقطع ومتبل والخضار متقطع وجاهز هنجيب طاسة او صينية يفضل لو تيفال و هنحط زيت مع ملعقة الصلصة مع الدبس رمان ونقلبهم دقيقتين كدة وبعدين نحط البانية بتاعنا ياخذ لون كدة مع التقليب وبعدين الخضار ونقلبهم ونسيبهم بقي على نار متوسطة
- قبل م المياه بتاعت الخضار و الشاورما بتاعتنا تنشف هنشطف المعكرونة بتاعتنا ونحطها مع الشاورما ونقلبهم ونسيبهم بقى لحد م المياه تنشف خالص
- هتلاقي وانتي بتقدمي طبقكك المميز ان الشاورما في المعكرونة بتاعتنا، ودوق بقى و متنساش تقولي رايك
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد