→ كل الوصفات

شاورما لحمة 🌯

الاكلة دي بيتي من الالف الي الياء من عيش ، سلطة خضرة ، سلطة طحينة ، شاورما لحمة ،، وكنت قدمت قبل كدة شاورما فراخ بس بعيش تورتيلا بالزعتر وطريقتها موجودة بالتفصيل في بوستات سابقة ،، النهردة بقي عملت شاورما لحمة بعيش تورتيلا بالزبادي وطريقته في البوست السابق ،،،

  • ½ كيلو لحمة شرايح مقطعة شاورما
  • علبة زبادي
  • م ص من كل (بهار لحمة ، بودرة ثوم علي بصل ، فلفل ، بابريكا)
  • رشة من (جوزة الطيب ، قرفة)
  • م ك خل
  • قطع صغيرة من لية خروف
  • ½ كوب طحينة
  • ماء حسب الاحتياج
  • رشة من (ملح ، فلفل ، كمون ، كزبرة)
  • عصرة نص ليمونة
  • شرايح بصل مقطع جوليان او
  • م ك خل
  • م ص سكر
  • حزمة بقدونس
  • رشة من (ملح ، فلفل ، كمون ، سماق)
  1. اولا اللحمة : اتبل اللحمة بالتتبيلة السابقة واسيبها منقوعة حوالي ساعة اواكتر لو قدرتي ، وفي طاسة انزل قطع لية الخروف وانزل اللحمة بالصوص بتاعها وابدأ اشوحها مع لية الخروف واسيبها تستوي براحتها ولو حسيتي ان الصوص نشف وهي لسة مستوتش زودي شوية ماية بشوية لحد لما تستوي خالص ،،
  2. ثانيا الطحينة : اخلط المكونات السابقة واخففها بشوية ماية لحد لما توصلي للقوام اللي انتي عاوزاه واتبلها بالبهارات السابقة واعصري ليمون لو حابة وبس كدة ،،
  3. ثالثا السلطة الخضرة : في بولة اضع البصل وعليه (خل وسكر) وادعكه بايدي كويس جدا والحركة دي عشان البصل ميبقاش حامي ، وبعدين اضيف باقي المكونات واتبلها وبس كدة ،،
  4. التقديم : ابدأ احشي الساندويتش بالشاورما والسلطات وانل زودي عليه هوت صوص ودة اختياري وقدميها وبالف هنا 🙂
  5. لو عاوزة العيش يبقي مقرمش شوية ، هاتي طاسة تيفال وضعي فيها حتة زبدة وحطي العيش ياخد لون من الناحيتين وبس كدة 😉
  6. طريقة عيش التورتيلا بالزبادي المستخدم في الوصفة في البوست السابق
عجبتك الوصفة؟
شوف كل وصفاتنا في مكان واحد
كل الوصفات →