→ كل الوصفات

شاورما لحمه بالرقاق الطري

#وصفات_بالاصفر

  • مكونات الشاورما
  • 1/2 كيلو لحمة مقطعة مكعبات صغيرة جداً وليست مفرومه
  • معلقه كبيره زبده ومعلقتين كبار زيت ذره
  • 3 بصلات وسط متقطعين اورمه (شرايح سميكه)
  • 5 فصوص ثوم متقطعين شرايح
  • 2 فلفل كوبي متقطع شرايح
  • ملح وفلفل أسود
  • رشه بهارات لحمة
  • رشه بهارات شاورما
  • رشه سماق
  • ماء مغلي لتسويه اللحمة الكميه لغايه ماتاخد وتستوي
  • جبنة شيدر وموتزاريلا وتركي
  • مكونات الرقاق الطري
  • 2 كوب دقيق
  • 1/2 معلقه صغيره ملح
  • 2 علبه زبادي بلدي
  • 2 معلقه زبده اوزيت ويفضل الزبده
  • 3 معالق قشطه وجه اللبن (اختياري)
  • معلقه كبيره سكر
  • 1/2 معلقه صغيرة ملح
  • معلقه صغيرة بيكنج بودر
  • ماء من الحنفيه عادي لو العجينه احتاجت
  • مكونات الطحينه
  • 4 ملاعق طحينه
  • رشه ملح
  • رشه شطه
  • عصير ليمونه
  • معلقه خل
  • ماء حسب ماتحتاج لتخفيف سمك الطحينه
  1. تحضير الشاورما / اصفي اللحمة من المايه خالص واسخن الزبده والزيت كويس وانزل باللحمه واديها رشه فلفل اسمر خفيفه في الاول كده واستني اللحمة لغايه ماتنزل مايتها وتشربها
  2. بعد ماتشرب اللحمة مايتها انزل بالبصل الاورمه والفلفل والبهارات واديها تقليبه بحيث البهارات تتحمص معايا وتطلع ريحتها دقيقه بس تقليب وانزل بالمايه المغليه عليهم بحيث تغطي اللحمة بالكامل وانزل بفصوص الثوم واغطيها وكل شويه ازودها مايه لغايه ماتستوي معايا وقبل مااقفل عليها اظبط الملح بتاعها وازود رشه فلفل اسمر واطفي وكده بقي تكون جهزت الشاورما
  3. تحضير الطحينه/ اخلط الطحينه بالملح بالشطه بالليمون بالخل واقلبهم كويس هلاقيها بقيت عجينه افكها بمعلقه كبيره مايه من الحنفيه بارده عادي واقدر اتحكم في سمك الطحينه بزياده ونقصان المايه
  4. تحضير الرقاق الطري/ بحط الدقيق وعليه السكر والملح والبيكنج بودر والزبادي والزبده وقشطه وجه اللبن واعجنهم وماازودش مايه الا اما العجينه تحتاج يعني لو لقيتها مفروله احط 3 او 4 ملاعق مايه واعجن لغايه ماتلم معايا افضل ازود ماء لغايه ماتلم وبقسم العجين لكور قد مقاس البيضه كور صغيرة وارشها دقيق واسيبها ترتاح
  5. تسويه الرقاق الطري/ بفرد كل كوره على رشه دقيق بحيث تبقي رفيعه رفع الرقاق الناشف بس ماتتقطعش مننا واجيب طاسه وارشها زيت خفيف واسويها زي البان كيك كده او التورتيلا كل وجه نص دقيقه واقلب على الوجه التاني واراعي مااسويش الرقاق اوي لانه لسه هيتحط على النار تاني بعد مانحشيه يعني اخرجه يدوبك بدأ يلون ذهبي فاتح ولو مش هنحشيه اسويه كويس لغايه مايوصل للذهبي الغامق ويحمر مني بسيط كده واخرجه علي فوطه واغطيه علشان ماينشفش واغطيه 😉 لغايه مايتحشي
  6. مرحله الحشو/ بفرد طبقه طحينه خفيفه وبرش رشه شيدر و جبنة تركي (رومي يعني للقهراويين😍) وجبنه موتزاريلا واحط معلقتين كبار من الشاورما واقفلها على بعض.. زي مابنشتري الشاورما السوري من بره كده نفس التقفيله زي الصندوق مابتقفليه 😂 ونسخن الطاسه بحته زبده صغيرة واحط الساندوتش من جهه القفله بتاعه والسعه 😈 وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →