→ كل الوصفات

شاورما لحمه

لذيذه وشهيه وسهله كتير

  • 0.5 كيلو لحمه مقطعه شرايح
  • ملعقه كبيره عصير ليمون
  • ملعقه ملح فلفل هيل زنجبيل بهارات لحمه كزبره يابسه
  • ملعقه كبيره لبن
  • للتقديم بقدونس
  • صلصه الطراطور
  • مخلل خبز مشروح او خبز تورتيلا حبه بندوره
  1. منتبل اللحمه قبل بيوم بكل البهارات والليمون واللبن ومنغطيها ومنحطها بلبراد
  2. تاني يوم منحط زيت بمقلايه غير لا لاصقه ومنحمي الزيت ومنزل اللحمه تاخد لون دغري حتى ماتنزل مي كتير ومنقلبها حتى تستوي على نار هاديه
  3. منجهز صلصه البيواز عباره عن بقدونس مفرم وبصله مقطعه جوانح وسماق منخلطن مع بعض
  4. منجهز صلصه الطراطور موجوده بوصفاتي والخبز والمخلل البندوره
  5. ومنقدم الشاورما مع كل يلي ذكرنا طبعا الشاورما مو طيبه غير سندويش مندهن خبز مشروح بصلصه الطراطوراو تورتيلا ومنصف الشاورما وعليها البيواز والمخلل وشرحات بندوره ومنلفها وع الشوايه مندهنها بشويه زيت ومنحمر السندويش وبالعافيه طعم مميز
عجبتك الوصفة؟
شوف كل وصفاتنا في مكان واحد
كل الوصفات →