→ كل الوصفات
شاورمه لحمه- فراخ - بصوص الخضار مشوى على الفحم
المقادير
- 3 قطع لحمه ستيك
- 2 قطع وراك فراخ بدون عظم
- 1/2 واحدة فلفل اصفر
- 1/2 واحدة فلفل احمر
- بصله صغيره
- رشة توم بودره او توم اخضر مفروم
- ملح حسب الرغبه
- ملعقة صغيره من (كسبره ناشفه - بابريكا - زعتر ناشف- فلفل اسود)
- 0.5 عود كسبره خاضراء- بقدونس
- فحمه
- ملعقة سمنه
- ملعقه صغيره زيت
طريقة التحضير
- نقطع اللحمه و الفراخ مكعبات طويله زى الشاورمه و نسيبهم مع بعض فى لمون و خل
- فى مقلاة طبخ متوسطه نضع ملعقة السمنه و نقطع قطع البصل و نشوحها اول ما البصل يتكرمل نحط الشاورمه و نوطى النار
- الشاورمه هتنزل مياه نحط التوابل و الخضار و الخضره
- نقلبهم سوا لحد ما هتشرب المياه و بعدين نشوف لو استوت او لو لسه عايزه شويه هنحط مياه سخنه مغليه لحد ماتشربها
- هنسخن الفحمه على النار و لما تحمر قوى نجيب قطعة فويل (قصدير) صغيره و نحط الفحمه فى المقلاه بتاعت الشاورمه بعد ماتكون شربت المياه و استوت
- نحط على الفحمه ملعقة الزيت هنلاقيها بطلع دخان نغطى المقلاه عشان الشاورمه تشرب رائحة الفحم
- تُقدم مع المكرونه و بالهنا و الشفا ؛)
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد