→ كل الوصفات
طريقة عمل شاورما 。◕‿◕。 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 صدور فراخ (بانيه) متقطعة شرايح (ممكن أكثر)
- ½ كوب لبن رائب او كوب زبادي
- معلقة كبيرة صويا صوص
- معلقة كبيرة كاتشب
- بصلة كبيرة مبشورة
- معلقة كبيرة فلفل اسود
- ملح حسب الرغبة
- معلقة صغيرة كاري (مش ضروري)
- معلقة كبيرة توابل فراخ
- معلقة صغيرة شطة (حسب الرغبة)
- معلقتين كبار زيت
- عصير ليمونة (مش ضروري)
- معلقة كبيرة خل
طريقة التحضير
- في بولة هنحط البصل المبشور عليه الفلفل الاسود و الملح و نقلبهم ونعصر البصل بأيدينا عشان ينزل كل العصارة وبعدين هنحط التوابل والصويا صوص والكاتشب والخل والليمون والزيت ونقلب وبعدين نحط اللبن الرائب ونقلب وندوق لو محتاجين ملح او حاجة لو تمام ننزل بالفراخ و نسيبها ف التلاجة يستحسن ليلة أو علي الاقل ٦ ساعات
- في الطاسة سخنة من غير زيت هننزل الفراخ تاخد صدمة و تبدأ تنزل مايتها و هنوطي عليها تكمل سواها براحتها
- لما الفراخ تستوي تمام ممكن في المرحلة دي تحطي خضار متقطع(بصل، طماطم، فلفل...) و تقلبيه تقلبتين علي النار و نطفي عليهم و بألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد