→ كل الوصفات
هذه وصفة عجين للشاف سمية في شخشوخة العيد ،لأول مرة نجربها 😊 جات هايلة في أسرع وقت(ساعة فقط ⏰وصارت جاهزة).. بالتفصيل للمبتدئات💐
المقادير
- للعجين
- طاس(تاع الطماطم) بومبي من السميد العادي من الشكارة
- 1/2 طأس فرينة(النصف)
- ماء بارد من الحنفية
- ملح يضاف لاحقا
طريقة التحضير
- أول حاجة :بسم الله نخلط طاس سميد مع نص طاس فرينة ونعجن دقيقتين بماء بارد من الحنفية، تكون عجينة غير لينة. ونحطها في كيس بلاستيكي مبلل لمدة ساعة. 💥في هذه الأثناء نعد المرق بطريقة وصفة: شخشوخة بنينة😋 الموجودة بحسابي
- ثم نعود إلى العجين ونعجن باليبوسة لمدة 3د.. ثم نبدأ بإضافة الماء مع العجن بالتدريج مثل شاف سمية (ولا ننسى إضافة الملح مبلل بالماء في هذه الخطوة) وتكون عجينة شخشوخة ماهيش لينة بزاف ثم نقرصها تعطي حوالي25 قرصة ندهنهم بالزيت ونغطيهم بكيس بلاستيكي أفضل (انا غطيتهم بسينية فقط) ونخليهم يتحطو 10د أو ساعة. ثم نطيب شخشوخة البرنوس أو شخشوخة لمركب ، طيبت 2 برانس في ربع ساعة🕘 لأن الكمية قليلة طابت سريعا✔😃 ماتخليش الهواء ييبسها.. كي تتفتت تعطي 3صحون كالأبيض اللي فالصورة. (أو صحنين كبآر)يعني أكثر من 2كيلو
- كي يطيب المرق نطلع الدجاج (ولو أجنحة) نحمرهم في مغرف زبدة ونحمر بعدهم البطاطا. ونزين بالفلفل والبيض أيضا..ونقدمها مع فلفل مقلي أو حميس الكوكوط السريع في قصعة تقليدية❇ #ويمكن أن نكتفي للتزيين بحمص، فلفل، دجاج، بيض يرفع القيمة الغذائية وفقط ⚫
- يمكن نقدمها مع شربة فريك ،أو مع دجاج محمر محاط بالفريت... أو نقدمها لوحدها كونها طبق رئيسي... وعند تقطيع الدجاج إذا تحبي تديري قسمات ملاح الدجاجة أقسميها على 4 (ليكويس2، والصدر يقسم على2) ولجناح لصقيه فالصدر بالكيردون وبعد الطهي ينزع بسهولة....أما للبيت تقدري تستعملي أي قطع دجاج من الثلاجة...والحمص يستحسن دائما يكون مجمد نص طياب. وللبحث عن وصفات الشخشوخة البسكرية(3) اكتبيها في البحث في حسابي 😃
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد