→ كل الوصفات

شرائح البصل المقرمش 😍

كانت اول مره اجرب اعملها النهارده وسهلة ولذيذة ومش مكلفه وممكن تحطوها جمب الاكل او تكلوها ك تسالي 🤗

  • 1 بصلة او 2
  • بيضة وعليها رشة ملح وفلفل اسود
  • حوالي نص كوب دقيق
  • حوالي نص كوب بقسماط
  1. يلا بسم الله نبدأ مع بعض، هنجيب البصل ونقطعوا شرائح ونشيل القشر ونفصل الشرائح من بعض كده، هتطلع بكل سهوله، و القطع الصغيرع الفى النص هنعملها برضوا اكيد مش هنرميها يعني 😂⁦❤️⁩
  2. هنضرب البيضه في الطبق بالشوكه علشان تفك كده، و نحط عليها ملح وفلفل اسود لو عايزين
  3. في طبق تاني هنحط الدقيق، و ممكن تحطوا التوابل الانتوا عايزينها على الدقيق بس انا خليته ساده
  4. في طبق تالت بقى هنحط البقسماط سواء ناعم او خشن شويه، انا مكنش عندي غير الناعم ده
  5. هنحط البصل في الدقيق بعدان البيض بعدان البقسماط وهيبقي معانا بالشكل ده، هنحطه في الثلاجه عقبال ما الزيت يسخن وبعدان هنحمره وممكن تعملوا في الفرن بس انا مجربتش
  6. هتكون معانا بالشكل ده والقرمشه تحفه، جربوها هتعجبكم ان شاء الله وبألف هنا 🤎
عجبتك الوصفة؟
شوف كل وصفاتنا في مكان واحد
كل الوصفات →