→ كل الوصفات
طبعاً كلنا بتعدي علينا مناسبات كتير زي خطوبة👸 او جواز👰 او كتب كتاب🧙♂️ او نجاح👨🎓👩🎓 او مولد النبوي الشريف عليه افضل الصلاة والسلام😍.. فبنحتاج نشرب شربات..🍷 ونوزع في المناسبات👰👸👩🎓👨🎓.. النهاردة بقى عملتلكوا الشربات الأحمر🍷 او شربات المناسبات والأفراح الأصلي المُركز التقيل قوي 💪💪💪 يعني الازازة هتعمل حلة كبيرة🙆♀️ تكفى المناسبة بتاعتك وبتكلفة بسيطة جداً .. واراهن انك لو عملتيه بطريقتي هيعجبك احلى من الجاهز ان شاء الله👌👌👌 🏆#تحدي_الشيف_الذهبي🏆 🏆#الشيف_الذهبي 🏆 #شربات_الأفراح #الشربات_الاحمر #كوكينا_cookina
المقادير
- 4 كوب سكر🍚🍚🍚🍚
- 2 كوب ماء🍶🍶
- ماء ورد مُركز او ريحة ورد مُركزة
- اقل من ربع ملعقة ملح ليمون🍚
- لون طعام احمر🔴
طريقة التحضير
- اول حاجة هنجيب حلة وهنحط السكر🍚 ولازم الكوبايات تبقى قد بعض.. وشبه بتاعتي ونفس اللون عشان تطلع حلوة والطريقة تنفع😁
- وهنحط الماء🍶 ونقلب لحد لما يتجانسوا مع بعض لحد لما يحبوا بعض كده 😂💖
- ونحطها على نار 🔥عالية بس هنفضل نقلب فيها لحد لما السكر🍚 يذوب تماما زي مادوبت فيكوا كده 😁
- واول ماتغلي هنوطي النار🔥 وهنحط ماء الورد وملح الليمون🍚
- وبعد كده هنحط شوية بشوية لون الطعام🔴 ونقلب لحد لما يوصل لونه نبيتى غامق مقفول كئيب حزين 😂😂
- هتلاقوا بحر من الدماء 😂😂 هنختبر اللون مظبوط ازاي عشان عايزينه يبقى غامق؟... عشان لما نزوده مية مايبقاش فاتح قوي.. هنجيب كباية فاضية طبعاً وتكون شفافة وهناخد شوية في الكوباية. لو لقيناه غامق جداً ولونه مقفول وكئيب وحزين 😂.. يبقى كده تمام.. لو لسة فاتح وفرحانة كده.. يبقى لا لازم ننكد عليه 😂😂 وهنحط شوية لون ونقلب لحد لما نوصل للدرجة الغامقة قوي الكئيبة😁
- وبعد كده هنغطي عليها والنار🔥 خفيفة.. حوالي من 8 ل10 دقائق لحد لما يتقل معانا.. عشان يبقى مُركز
- وبعد كده هنستني لما يبقى دافي بلاش سخن🌡️ ولا بارد❄️ جداً عشان نعرف نحطها في الازازة.. هنجيب بقي ازازة لتر وقمع عشان يساعدني وانا بحطها في الازازة
- هنا بعد مالازازة عبيتها على الاخر.. اتبقي شوية في الحلة.. عايزة اقولكوا الشوية اللي اتبقوا دول يعملوا حوالي 4 كوبايات شربات عشان مُركزة
- هنا بقى هوريكوا لما نعمل كباية هتبقي شكلها ايه.. هنحط في الكوباية شوية صغيرين وهنزودها مية ساقعة وممكن شوية ثلج❄️ عشان النعنشة😅
- وهنقلب.. بس بصوا على المعلقة هتلاقوا الشربات فيها تقيل ازاي.. المفروض كنت احط اقل من كده كمان عشان طلع تقيل
- بصوا بقى اللون والشكل وجماله ده غير طبعاً ريحته..☺️ عشان كده قلتلكوا اللون تخلوه غامق عشان لما نزوده مية يبقى لونه احمر فاتح وجميل.. قلت بقى أدلع الكوباية وحطيت شاليموه شكل فلامنكوا😅
- وده الشكل النهائي.. المُركز واللي مش ُمركز...عشان تشوفوا الفرق. وبالهنا والشفا على قلبكوا الجميل♥️🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد