→ كل الوصفات
#طبخة_اليوم
المقادير
- رطل سردين
- 2 حبة بطاطا
- 2 حبة جريوات
- حبة طماطم
- م ص ملح
- م ص فلفل اسود
- م ص عكري حلو
- م ص راس الحانوت
- م ص ثوم بودرة
- 2 سنات ثوم مرحيين
- معدنوس مقطع
- 2 حبات بيض
- جبن مبشور
طريقة التحضير
- نبدا بسم الله ونجيب الخضر بطاطا وجريوات نقشرهم ونغسلهم ثم حبة طماطم كبيرة نرحيها ونضيف عليها ملح وفلفل اسود وعكري حلو و2سنات ثوم مرحيين
- بعد ذلك نضف السردين تاعي مليح ونملحو ثم نحضرلو التوابل نحط في صحن م ص فلفل اسود وم عكري حلو وم ص راس الحانوت وم ك كمون وم ص ثوم بودرة نخلطهم مع بعض
- نبدا نتبل السردين تاعي مليح ونحتفظ بيه لوقت القلي
- بعد ذلك نرجع نجيب مقلاة نحط فيها م ك زيت ونحطها عالنار ونضيف الطماطم المرحية ونحط م ص ملح وم ص عكري حلو وم ك طماطم مصبرة وبعد ماقليتها مليح نضيفلها نصف كاس ماء ساخن ونغطيها ونخليها تطيب نرجع نقلي حبات البطاطا
- بعد ذلك نضيف البطاطا المقلية على صلصة الطماطم ونضيف عليها معدنوس مقطع ونخليها تتشرب الصلصة ونقلي في مقلاة اخرى الجريوات
- بعد ماتشربت الصلصة نضيف جبن مبشور ونكسر عليها حبتين بيض ونغطي عليها ونخلي البيض يطيب مليح ونرجع السردين نرمدو فالفرينة ونقليه فالمقلاة
- فالاخير نجيب صحن التقديم نحط فيه السردين المقلي والجريوات وفي الوسط نحط شطيطحة البطاطا مع الصلصة ونقدمو كوجبة صيفية بامتياز وسهلة التحضير
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد