→ كل الوصفات
Shakshouka وصفة شكشوكة في الجون ، سهلة وبسيطة جدددا والطعم يجنن 😉👌
المقادير
- بصلة مبشورة
- 2 فلفل رومي مقطع صغير
- 1 فلفل حار مقطع صغير
- 1/2 كوب بقدونس او اي خضرة تفضليها
- م ص ثوم مفروم
- 3 كوب عصير طماطم
- م ص من (فلفل ، كمون ، بودرة ثوم علي بصل ، بابريكا مدخنة)
- 2 مكعب ماجي
- ملح حسب الاحتياج
- 2 م ك ارز مغسول ومتصفي
- 5 بيضات او حسب الرغبة
طريقة التحضير
- في حلة اضع زيت وبعدين انزل بالبصلة اشوحها لحد لما تقرب تدبل ، بعدين انزل ب (الفلفل والبقدونس) واقلب لحد لما يبدأوا يدبلوا ، بعدين انزل بالثوم واقلب ،
- بعدين انزل عصير الطماطم والتوابل كلها واول لما يبدأ يتسبك انزل بالارز واهدي النار خالص واغطيها لحد لما الارز يستوي ،
- بعدين انزل البيض واحدة واحدة من غير ما اقلب خاااالص وخلي بالك كل دة والنار هادية زي ما هي ، بعدين اغطي الحلة لحد لما البيض يستوي وبس كدة ،
- قدميها بجانب عيش بلدي وطبعا متنسيش رشة البقدونس علي الطبق وبالف هنا 🙂
- 🔸️ ملحوظة : يوجد في وصفاتي(شكشوكة سريعة) عشان لو نفسك فيها فدي وصفة في الانجاز كدة 😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد